تىيانشان تورى خەۋىرى: 10-ئاينىڭ 19-كۈنى، شايار ناھىيەسى 2019-يىللىق 11-نۆۋەتلىك شايار توغراق بايرىمىنى ئۆتكۈزىدىكەن.
بۇ قېتىمقى توغراق بايرىمىغا دالا ئېكسپېدىتسىيەسى، ئالاھىدە ساياھەت تۈرى كىرگۈزىلىدىغان بولۇپ، كۆپ خىل شەكىلدىكى مۇسابىقە، پائالىيەتلەر قانات يايدۇرۇلۇپ، يېپەك يولى مەدەنىيىتى، تارىم دەرياسى مەدەنىيىتى، توغراق مەدەنىيىتى قاتارلىقلارنىڭ چوڭقۇر مەزمۇنى تولۇق نامايان قىلىنىدىكەن.
ئىگىلىنىشچە، شايار ناھىيە بازىرىدىن 35 كېلومېتىر يىراقلىقتىكى جايدا كۆلىمى ئىككى مىليون موغا يېقىن بولغان ئىپتىدائىي توغراقلىق بار بولۇپ، 2008-يىلى «دۇنيا بويىچە كۆلىمى ئەڭ چوڭ ئىپتىدائىي توغراقلىق» جىنىس رېكورتىغا ئېرىشكەن.
(ماقالىنى ئاقسۇ ۋىلايەتلىك «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» بويىچە كەنتتە تۇرۇش خىزمىتىگە رەھبەرلىك قىلىش گۇرۇپپىسى ئىشخانىسىدىن ۋاڭ تۇڭلىياڭ، ما جى، گۈلەيسەم مىجىت تەمىنلىگەن)
