شىنجاڭ: پۈتۈن كۈچ بىلەن تىرىشىپ، مىنۇت-سېكۇنتنى قولدىن بەرمەي تەرەققىياتنى كۆزلەش

3-ئاينىڭ 1-كۈنى، ئىشچى ئۈرۈمچى ئايروپورتىنى ئۆزگەرتىش-كېڭەيتىپ قۇرۇش قۇرۇلۇشى نەق مەيدانىدا مەشغۇلات قىلماقتا. نۆۋەتتە، بۇ قۇرۇلۇش ئومۇميۈزلۈك ئەسلىگە كەلتۈرۈلدى، قۇرۇلۇشچىلار جىددىي قۇرۇلۇش قىلىپ، قۇرۇلۇشنىڭ ۋاقتىدا تاماملىنىشىغا ھەقىقىي كاپالەتلىك قىلدى.

ئانار بۇلۇت\شىنجاڭ گېزىتى مۇخبىرى ئۆتكۈر نىجات فوتوسى

     ئانار بۇلۇت\شىنجاڭ گېزىتى مۇخبىرى رېن جياڭ
     ئىللىق باھار شامىلى تىيانشاننى يەنە سىيپاپ ئۆتۈپ، ئۇزۇنغا سوزۇلغان ھاياتلىق ناخشىسىنى ياڭراتتى، شۇنداقلا ئىقتىسادنىڭ يۇقىرى سۈپەتلىك تەرەققىيات سىمفونىيەسىنى ياڭراتتى. شىنجاڭدا ئەۋزەل كەسىپلەرنىڭ سۈپىتى ۋە دەرىجىسى ئۆستۈرۈلدى، ھەرقايسى تەرەپلەر تولۇق ئىشقا كىرىشتۈرۈلدى، تىيانشاننىڭ جەنۇبى-شىمالىدا ئىقتىسادىي قۇرۇلۇش مېلودىيەسى جاراڭلىق، ھەيۋەتلىك ياڭرىدى. 
    دۇنيادا 100 يىلدىن بۇيان كۆرۈلۈپ باقمىغان زور ئۆزگىرىش ۋەزىيىتى ئالدىدا، خەۋپ-خەتەر، خىرىسلار كۆرۈنەرلىك كۆپەيدى، جەزمەن داۋانلاردىن  ئېشىپ  ئۆتۈش كېرەك. قىيىنچىلىق قانچە كۆپ بولغانسېرى، ئىشەنچنى شۇنچە چىڭىتىپ، ھەقىقىي تۇتۇپ ئەمەلىي ئىشلەش كېرەك. شىنجاڭدا ئەۋزەل كەسىپلەردە ۋەزىيەتكە قاراپ ئىش كۆرۈش، مەردانە ئىلگىرىلەشتە ۋاقىتلىق قىيىنچىلىقلارنى ئورتاق يېڭىدىغان، قىيىنچىلىقتىن قورقماي ئىلگىرىلەيدىغان قەتئىيلىك نامايان قىلىندى، مۇقىملىقنى ئالدىنقى ئورۇنغا قويۇش، مۇقىملىق ئاساسىدا ئىلگىرىلەش بۇرغىسى ياڭرىتىلدى.
    ئۇل ئەسلىھە قۇرۇلۇشى ئىش ئورۇنلىرى قاينام-تاشقىنلىققا چۆمدى، مۇھىم، زور تۈر قۇرۇلۇشلىرى تېز ئالغا سىلجىتىلدى؛ ئېنېرگىيە بازىسى قۇرۇلۇشى جىددىي ئېلىپ بېرىلدى، «ئۈچ بازا، بىر يول» قۇرۇلۇشى تېزلىتىلدى؛ يېڭى ماتېرىياللار كەسپى، يۇقىرى  دەرىجىلىك جابدۇق ياساش كەسپى قاتارلىقلارغا سىجىل كۈچ چىقىرىلدى، ئىستراتېگىيەلىك يېڭىدىن گۈللىنىۋاتقان كەسىپلەر ئۇچقاندەك ئىلگىرى سۈرۈلدى... زامانىۋى كەسىپلەر ئارقا-ئارقىدىن بارلىققا كېلىپ، يۇقىرى سۈرئەتتە تەرەققىي قىلدى، ھەرقايسى جايلار ئەۋزەل كەسىپلەردە زەنجىرنى ئۇزارتىش، زەنجىرنى تولۇقلاش، زەنجىرنى كېڭەيتىش، زەنجىرنى كۈچەيتىش بىرتۇتاش پىلانلاپ ئالغا سىلجىتىپ، كەسىپ ئۇلىنى يەنە يارىتىش قۇرۇلۇشىنى زور كۈچ بىلەن يولغا قويۇپ، كەسىپلەرنىڭ توپلىنىشىغا، توپلىنىپ تەرەققىي قىلىشىغا تېز تۈرتكە بولدى، سانائەتنىڭ ئاساسىنى كۈچەيتىش، ئۈنۈمنى ئاشۇرۇش ۋە تىپىنى ئۆزگەرتىپ دەرىجىسىنى ئۆستۈرۈشكە تۈرتكە بولىدىغان موتور كۈچلۈك بولدى، «ئالتىنى مۇقىملاشتۇرۇش»، «ئالتىگە كاپالەتلىك قىلىش» قەدىمى پۇختا بولدى. 
     ھەيۋەتلىك تىيانشاندا ئۇلۇغۋار ئىشلار ۋۇجۇدقا چىقىرىلدى، مەردانە قەدەم تاشلىنىپ جەسۇرانە قىياپەت نامايان قىلىندى. تىرىشقانلارغا باھار بالدۇر كېلىدۇ، جاسارەت بىلەن ئىلگىرىلەشنىڭ دەل ۋاقتى بولدى. چوڭ قەدەم بىلەن ئىلگىرىلەۋاتقان زامانىۋى كەسىپلەرنىڭ قىياپىتى ھەيۋەتلىك بولۇپ، مەردانە، تەسىرلىك مېلودىيە ياڭرىتىلدى، شىنجاڭ ئىقتىسادىنىڭ يۇقىرى سۈپەتلىك تەرەققىيات قەدىمى تېخىمۇ پۇختا، مەزمۇت بولدى.