تىيانشان ئېتىكىدە يېڭى يېشىللىق بەرپا قىلىش

ئانار بۇلۇت\شىنجاڭ گېزىتى خەۋىرى (مۇخبىرلار سۈي جىجيەن، سەي زېڭلې فوتوسى، خەۋىرى) 4-ئاينىڭ 24-كۈنى، ئۈرۈمچى شەھىرىدە خالىسانە كۆچەت تىكىش پائالىيىتى قانات يايدۇرۇلدى، ھەر مىللەت كادىرلار، ئامما ئۈرۈمچى ناھىيەسى ئۈرۈمچى−بەنفاڭگۇ، ئۈرۈمچى−شۇيشىگۇ تاشيولىنىڭ ئىككى ياقىسىدىكى ئېكولوگىيەلىك ئىھاتە ئورمىنى قۇرۇلۇشى نەق مەيدانىدا ئالما دەرىخى، تاشئالما دەرىخى، جاڭزىسۇڭ قارىغىيى قاتارلىق دەرەخلەرنى تىكىپ، قاقاسلىقنى كۆكەرتىپ ماكانىنى گۈزەللەشتۈردى.

4-ئاينىڭ 24-كۈنى ھەر مىللەت كادىرلار، ئامما ئۈرۈمچى−بەنفاڭگۇ، ئۈرۈمچى−شۇيشىگۇ تاشيولىنىڭ ئىككى ياقىسىدىكى ئېكولوگىيەلىك ئىھاتە ئورمىنى قۇرۇلۇشى نەق مەيدانىدا كۆچەت تىكمەكتە.

يېقىنقى يىللاردىن بۇيان، ئاپتونوم رايون تاغ، دەريا، ئورمان، ئېتىز، كۆل، ئوتلاق، قۇملۇقنى بىر گەۋدىلەشتۈرۈپ قوغداش ۋە سىستېمىلىق تۈزەشتە چىڭ تۇرۇپ، «ئۈچ شىمال» قۇرۇلۇشى بويىچە ئۆتكەلگە ھۇجۇم قىلىش جېڭىنى پۈتۈن كۈچى بىلەن ياخشى قىلدى. بۇ يىل شىنجاڭ بويىچە 1 مىليون 200 مىڭ مو ئورمان بىنا قىلىش، 4 مىليون 700 مىڭ مو يەرنى ئوت-چۆپ تېرىپ ياخشىلاش، چۆللەشكەن يەردىن 4 مىليون 500 مىڭ مونى تۈزەشنى تاماملاپ، يېشىل ئېكولوگىيە بىخەتەرلىك توسۇقىنى ئومۇميۈزلۈك مۇستەھكەملەش پىلانلاندى.

«ئانار بۇلۇت»تىن ئېلىپ تەرجىمە قىلىندى