گۈزەل يېڭى تۇرمۇش سىز ۋە مېنى بەختكە ئېرىشتۈردى

9-ئاينىڭ 20-كۈنى، مۇھىتى گۈزەل يېڭىسار ناھىيەسى يېڭىيەر يېزىسى كەنتئېرىق كەنتى باغچىسى.

    ئانار بۇلۇت \ شىنجاڭ گېزىتى خەۋىرى (مۇخبىر ئۆتكۈر نىجات فوتوسى، خەۋىرى) يېقىنقى يىللاردىن بۇيان، يېڭىسار ناھىيەسى يېڭىيەر يېزىسى كەنتئېرىق كەنتى ئادەمنى ئاساس قىلىش، شارائىتقا قاراپ ئىش كۆرۈش پىرىنسىپىدا چىڭ تۇرۇپ، يېزىلارنى كۆكەرتىش، گۈزەللەشتۈرۈش، قاتتىقلاشتۇرۇش، پاكىزلاشتۇرۇش قۇرۇلۇشىنى تېز ئالغا سىلجىتىپ، دېھقانلار ئۆيلىرى قۇرۇلۇشى بىلەن ئەتراپتىكى مۇھىتنى ماسلاشتۇرۇش، ھويلا-ئاران ئىگىلىكىنى تەرەققىي قىلدۇرۇش بىلەن ماسلاشتۇرۇش، مەدەنىي يېڭى قىياپەت بىلەن ماسلاشتۇرۇشقا ھەقىقىي كاپالەتلىك قىلىپ، يېزىلارنىڭ ئىشلەپچىقىرىش، تۇرمۇش شارائىتىنى تىرىشىپ ياخشىلاپ، دېھقانلارنىڭ «بەخت كۆرسەتكۈچى»نى ئومۇميۈزلۈك ئۆستۈرۈپ، كەنتئېرىق كەنتى كەنت ئاھالىلىرىنى گۈزەل يېڭى تۇرمۇشتىن بەھرىمەن قىلدى.

9-ئاينىڭ 20-كۈنى، بىر كەنت ئاھالىسى يېڭىيەر يېزىسى كەنتئېرىق كەنتىدىكى كەنت ئاھالىلىرى مەيدانىدا تازىلىق قىلماقتا.

    بۈگۈنكى كۈندە يىراققا نەزەر سالساق، تەبىئىي، ئىناق سەھرا مەنزىرىسى كۆز ئالدىمىزدا نامايان بولىدۇ، كەنت يوللىرى كېڭەيدى، يول چىراغلىرى ياندى، قاراش ئۆزگەردى، تۇرمۇش تېخىمۇ كۆڭۈللۈك بولدى، كەنت ئاھالىلىرى كىتاب ئوقۇش ئۆيى ئېچىۋېتىلدى، مەدەنىيەت كەيپىياتى بارغانسېرى قويۇقلاشتى، كەنتئېرىق كەنتىنىڭ گۈزەل، ئولتۇراقلىشىشقا ماس كېلىدىغان يېزا-كەنت يېڭى قىياپىتى بارغانسېرى گەۋدىلەندى.