ئانار بۇلۇت: يېقىندا، كۈچلۈك سوغۇق ھاۋا ئېقىمىنىڭ تەسىرىدە، ئونسۇ ناھىيەسىدە ئۇدا قار يېغىپ، تېمپېراتۇرا تۆۋەنلەپ، چارۋىلارنىڭ قىشتىن بىخەتەر ئۆتۈشىگە بەلگىلىك تەسىر كۆرسەتتى، ناھىيەدىكى ئالاقىدار تارماقلار بوراندىن، سوغۇقتىن مۇداپىئەلىنىش ۋە قوغداش خىزمىتىنى پائال ياخشى ئىشلەپ، چارۋىلارنىڭ قىشتىن بىخەتەر ئۆتۈشىگە كاپالەتلىك قىلدى.
ئىگىلىنىشىچە، ئونسۇ ناھىيەسى تۆۋەن تېمپېراتۇرىلىق ھاۋا رايىغا قارىتا بالدۇر پىلان تۈزۈپ، ناھىيەلىك يېزا ئىگىلىكى-يېزا ئىدارىسىنىڭ بىرتۇتاش يېتەكچىلىكىدە، يېزا-بازارلار پائال ھەرىكەتكە كېلىپ، ئائىلىلەرگە بېرىپ زىيارەت قىلىش، رادىيو-تېلېۋىزىيە تورىدا مەركەزلىك تەشۋىق قىلىش قاتارلىق كۆپ خىل شەكىللەر ئارقىلىق، دېھقان-چارۋىچىلارغا ھاۋا رايى ئەھۋالىنى ۋاقتىدا بىلدۈردى ھەمدە قوتاننى باشقۇرۇش، سوغۇقتىن ساقلىنىپ ئىسسىق ساقلاش، ماددىي ئەشيالارنى زاپاس ساقلاش، يۇقۇملۇق كېسەللىكلەرنىڭ ئالدىنى ئېلىش ۋە ئۇنى داۋالاش قاتارلىق خىزمەتلەرنى ياخشى ئىشلەپ، چارۋىلارنىڭ قىشتىن بىخەتەر ئۆتۈشىگە كاپالەتلىك قىلدى.
مەنبە: ئونسۇ ناھىيەلىك يۇغۇرما تاراتقۇ مەركىزى، مۇخبىر جاۋ شىنچاڭ
