تىيانشان تورى خەۋىرى (مۇخبىر يۈ جياڭيەن خەۋىرى، فوتوسى): 2021-يىلى يېڭى يىل، چاغان يېتىپ كېلىش ئالدىدا، بايرام مەزگىلىدىكى بازارنىڭ بىخەتەرلىكى، مۇقىملىقىغا ھەقىقىي كاپالەتلىك قىلىش، ئادىل رىقابەتلىشىدىغا بازار مۇھىتىنى قوغداش، بىخەتەر، خاتىرجەم ئىستېمال مۇھىتى يارىتىش ئۈچۈن، ئاپتونوم رايونلۇق بازار نازارەت قىلىش-باشقۇرۇش ئىدارىسى ئاچقۇچلۇق ھالقىلارنى چىڭ تۇتۇپ، نازارەت قىلىش، تەكشۈرۈشنى كۈچەيتىپ، بايرامدىن بۇرۇنقى بازارنى مەخسۇس تەكشۈرۈشنى چوڭقۇر، تەشكىللىك قانات يايدۇردى.
12-ئاينىڭ 30-كۈنى، مۇخبىر كەررېفور تاللا بازىرى نەنخۇ دۇكىنىدا، گۆش، تۇخۇم، سۈت، كۆكتات قاتارلىقلارنىڭ تۈرىنىڭ كۆپ بولۇپ، جىچېڭ، مايمۇن شاپتۇلى، ئالما قاتارلىق مېۋىلەردە سېتىشنى تېزلىتىش پائالىيىتى قانات يايدۇرۇلغانلىقىنى كۆردى. «بايرامدىن بۇرۇن بىز گۈرۈچ، ئۇن، ياغ، تۇخۇم قاتارلىق خەلق تۇرمۇشى ئىستېمال بۇيۇملىرىنى زور مىقداردا تەييارلىدۇق، مال كىرگۈزۈش يوللىرىنى قاتتىق ئىگىلەپ، تەكشۈرۈش ئىسپاتى يوق يېڭى خام مەھسۇلاتلارنى سېتىش مەيدانىغا قەتئىي كىرگۈزمىدۇق» دېدى كەررېفور تاللا بازىرى نەنخۇ دۇكىنى يېڭى خام مەھسۇلاتلار باشقارمىسىنىڭ باشقارما باشلىقى جاڭ ۋېي.
12-ئاينىڭ 30-كۈنى، ئاپتونوم رايونلۇق بازار نازارەت قىلىش-باشقۇرۇش ئىدارىسىنىڭ قانۇن ئىجرا خادىملىرى كەررېفور تاللا بازىرى نەنخۇ دۇكىنىدا گۈرۈچ خالتىسىنىڭ ماركا بەلگىسىنى تەكشۈرمەكتە.
شۇ كۈنى، كەررېفور تاللا بازىرى نەنخۇ دۇكىنى ۋە دوستلۇق شياڭشېڭخو تاللا بازىرىدا، قانۇن ئىجرا خادىملىرى گۈرۈچ، كالا-قوي گۆشى، كۆكتات، ئاق ھاراق، ئىچىملىك قاتارلىق تاۋارلارنىڭ مال كىرگۈزۈش تىزىملىك دەپتىرى، گۇۋاھلىق ئېلىش، تالون ئېلىش ئەھۋالىنى نۇقتىلىق تەكشۈردى.
