ئانار بۇلۇت خەۋىرى: 10-ئاينىڭ ئاخىرىدا، يەنجى ناھىيەسىدىكى تۆمۈريولغا يېقىن ئەشيا ئوبوروت باغچىسى ئىچىدىكى يوللارغا ماي ياتقۇزۇش خىزمىتى جىددىي ئېلىپ بېرىلدى، چوڭ تىپتىكى ماي ياتقۇزۇش ماشىنىسى يول يۈزىگە قاراماي ياتقۇزۇپ، يول چىڭداش ماشىنىسى يول چىڭداپ، قاراماينىڭ تەكشى، تۈز، پۇختا يېيىتىلىشىغا كاپالەتلىك قىلدى.
يەنجى سانائەت باغچە رايونى پىلان قۇرۇلۇشى مۇھىت ئاسراش ئىدارىسىنىڭ ئالاقىدار مەسئۇلى مۇنداق دېدى: «سانائەت باغچە رايونى يەنجى ناھىيەسىنىڭ غەربىي جەنۇبىغا 25 كىلومېتىر كېلىدىغان جايغا جايلاشقان بولۇپ، كورلا شەھىرىگە 18 كىلومېتىر كېلىدۇ، ئەشيا ئوبوروت باغچىسى جەنۇبىي شىنجاڭ تۆمۈريولى زىنىچۈەن ۋوگزالى، ئۈرۈمچى-لوپنۇر يۇقىرى سۈرئەتلىك تاشيولى، تۇرپان-قومۇل يۇقىرى سۈرئەتلىك تاشيولى، G216-لىنىيەسى، G314-لىنىيەسى بىلەن جەنۇبىي شىنجاڭ تۆمۈريولى كېسىشكەن جايىغا يېقىن بولۇپ، غەربتە خېبېي بايىنغولىن ئوبلاستى ئېكولوگىيە كەسىپلەر باغچىسىغا قوشنا، قاتناش ئەۋزەللىكى ئىنتايىن روشەن. ئۈرۈمچى-لوپنۇر يۇقىرى سۈرئەتلىك تاشيولىنىڭ قۇرۇلۇشىغا ئەگىشىپ، تۇرپان-قومۇل يۇقىرى سۈرئەتلىك تاشيولى بىلەن ئىككى يۇقىرى سۈرئەتلىك تاشيول كېسىشىدىغان ۋەزىيەت شەكىللىنىپ، ئەشيا ئوبوروت رايونى مۇقەررەر ھالدا جەنۇبىي شىنجاڭنىڭ يۈك تىرانسپورت ئەشيا ئوبوروتى يىغىش-تارقىتىش ئورنى، يىپەك يولى ئىقتىساد بەلبېغى ۋە جۇڭگو-پاكىستان ئىقتىساد كارىدورى ئۇنىۋېرسال رايونىغا تەسىر كۆرسىتىدىغان مۇھىم تۈگۈن بولۇپ قالىدۇ.»
بۇ رايون ئاساسلىقى كانچىلىق، قۇرۇلۇش ماتېرىياللىرىنى پىششىقلاش، ئۈزۈم ئۆستۈرۈپ ئېچىتىش، يېزا ئىگىلىك قوشۇمچە مەھسۇلاتلىرىنى پىششىقلاش، ئەشيا ئوبوروتى ۋە مۇلازىمەت كەسپىنى ئاساس قىلغان. تۆمۈريولغا يېقىن ئەشيا ئوبوروت باغچىسى ئوبوروت، پىششىقلاش، ئۇنىۋېرسال يۈرۈشلەشتۈرۈش قاتارلىقلارنى ئاساسىي ئىقتىدار قىلىپ، خېبېي بايىنغولىن موڭغۇل ئاپتونوم ئوبلاستىنىڭ ئېكولوگىيە كەسىپلەر باغچىسى ۋە ناھىيەلەردىكى مال تىرانسپورت ئەشيا ئوبوروتىنى مۇلازىمەت بىلەن تەمىنلەپ، مەۋقەنى پويىز، ئاپتوموبىل قاتناش تۈگۈنىدىن ئىبارەت پايدىلىق شارائىتقا قويۇپ، بۇ رايوننى يەنجى خاس مەھسۇلات بايلىقى ئەشيا ئوبوروت يىغىش-تارقىتىش ئورنى قىلىپ قۇرۇپ چىقىدۇ. ئۈچىنچى تەرەپ ئەشيا ئوبوروتى كارخانىلىرى ئارقىلىق زامانىۋى ئەشيا ئوبوروتى كەسپىنى تەرەققىي قىلدۇرۇپ، تەتقىق قىلىپ ئېچىش، تەربىيەلەش قاتارلىق ئىقتىدارلارنى تەدرىجىي كېڭەيتىپ، تېخىمۇ ئىلغار ئەشيا ئوبوروتى ئۇسۇلىنى يېتىلدۈرىدۇ، يەنجى جەنۇبىي بىرلەشمە تەرەققىيات ئىستراتېگىيەسىنىڭ مۇھىم ئېشىش نۇقتىسى، جەنۇبىي ۋە شىمالىي شىنجاڭغا تەسىر كۆرسىتىدىغان زامانىۋى ئۇنىۋېرسال ئامباردا ساقلاش ئەشيا ئوبوروتى مەركىزىگە ئايلىنىشىنى ئىلگىرى سۈرىدۇ، شىنجاڭ ئەشيا ئوبوروتى رايونىنىڭ ئەقىل-پاراسەت دەرىجىسىنى ئۆستۈرىدىغان ئۈلگە كۆرسىتىش رايونىغا ئايلىنىشىنى ئالغا سىلجىتىدۇ. بۇ قۇرۇلۇش تاماملانغاندىن كېيىن، بىر مىليارد يۈەن مەبلەغ سېلىنىدۇ.
مەنبە: يەنجى خۇيزۇ ئاپتونوم ناھىيەلىك يۇغۇرما تاراتقۇ مەركىزى، مۇخبىر: ما گوچىڭ، تۇرسۇن
