تىيانشان تورى خەۋىرى (مۇخبىرىمىز يۈ جياڭيەن خەۋىرى): ۋاكالىتەن تازىلاش، ۋاكالىتەن قۇرۇتۇش، ۋاكالىتەن ساقلاش، ۋاكالىتەن پىششىقلاش، ۋاكالىتەن سېتىش. ئاشلىق ئىشلەپچىقىرىشتىن كېيىنكى مۇلازىمەت مەركىزىگە تايىنىپ، شىنجاڭ ئاشلىق ۋە ماددىي ئەشيالارنى زاپاس ساقلاش سىستېمىسى دېھقانلارنى «بەش ئەۋلاد» مۇلازىمەت بىلەن تەمىنلەپ، ئاشلىق زىيىنىنى مەنبەسىدىن ئازايتتى.
8-ئاينىڭ 28-كۈنى، تارباغاتاي ۋىلايىتى ساۋەن ناھىيەسى شىگوبى بازىرى جىنخېپەن كەنتىدىكى ئاشلىق تېرىيدىغان دېھقان چېن چىڭچىڭ مۇخبىرغا مۇنداق دېدى:«ئىلگىرى، بۇغداي پىشقاندىن كېيىن ئۆزىمىز كومبايىن بىلەن ئالاقىلىشىپ ئورۇيتۇق، ئاندىن ئاپتاپقا سېلىپ قۇرۇتۇپ، پاكىز بولغاندىن كېيىن ئاپتوموبىل بىلەن ئالاقىلىشىپ ئاشلىق پونكىتىغا ئاپىرىپ ساتاتتۇق، ھازىر تيەنباۋ يېشىل يېمەكلىك چەكلىك شىركىتى يېڭىدىن سالغان ئاشلىق مۇلازىمەت مەركىزى ئىشقا كىرىشتۈرۈلدى. دېھقانلار نەپكە ئېرىشتى. ئاشلىق پونكىتىدىكى خىزمەتچىلەر ئاۋۋال ئېتىزغا كېلىپ بۇغداينىڭ نەملىكىنى تەكشۈرىدۇ، ئورما ئورۇشقا ماس كەلسە، ئۇلار كومبايىن بىلەن بۇغداينى ئورۇيدۇ. بۇغداينى يىغىشتۇرۇپ بولغاندىن كېيىن بىۋاسىتە ئاشلىق پونكىتىغا ئېلىپ كېتىدۇ، بىزنىڭ بەك كۆپ غەم قىلىشىمىزنىڭ ھاجىتى يوق».
مۇخبىرنىڭ ساۋەن ناھىيەسى تيەنباۋ يېشىل يېمەكلىك چەكلىك شىركىتىدىن ئىگىلىشىچە، يېڭىدىن قۇرۇلغان ئاشلىق ئىشلەپچىقىرىشتىن كېيىنكى مۇلازىمەت مەركىزىگە تايىنىپ، ئاشلىق يىغىشتا «يۈرۈشلەشكەن» يېپىق مۇلازىمەت شەكىللەنگەن، ئاشلىق ئىسراپچىلىقىنى ئازايتىپلا قالماي، ئاشلىق سۈپىتىنى ئۆستۈرۈپ، ئەلا سۈپەتلىك ئۇن ئىشلەپچىقىرىشنى كاپالەتكە ئىگە قىلغان. «ئاشلىق ئىشلەپچىقىرىشتىن كېيىنكى مۇلازىمەت مەركىزىگە تايىنىپ، بىز ئەتراپتىكى سەككىز ھەمكارلىق كوپىراتىپى بىلەن ھەمكارلىشىپ، 8000دىن ئارتۇق دېھقاننى <بەش ئەۋلاد> مۇلازىمىتى بىلەن تەمىنلىدۇق» دېدى لى دۇڭخۇا.
