تىيانشان تورى خەۋىرى (مۇخبىرىمىز گو لىڭ، دوۋ شىڭجۈن، يىن تۇڭيۈەن، جانات تولقىن) يۇقۇمنىڭ تەسىرىنى تۆۋەنلىتىش ئۈچۈن، ئۈرۈمچى شەھىرى سىياسەت چىقىرىپ كارخانىلارنىڭ ئىشلەپچىقىرىش، تىجارەت تەننەرخىنى تۆۋەنلەتتى.
8-ئاينىڭ 8-كۈنى چۈشتىن كېيىن، ئاپتونوم رايونلۇق ھۆكۈمەت ئاخبارات ئىشخانىسى ئاچقان ئاخبارات ئېلان قىلىش يىغىنىدا، ئۈرۈمچى شەھەرلىك خەلق ھۆكۈمىتىنىڭ مۇئاۋىن باش كاتىپى شاڭ يۈلەننىڭ تونۇشتۇرۇشىچە، ھەر قايسى كارخانىلار بۇ يىل پۈتۈن بىر يىلدا تۇرالغۇ ئاممىۋى فوندى تاپشۇرۇش نىسبىتىنى مۇۋاپىق تۆۋەنلەتسە، ئەڭ تۆۋەن بولغاندا % 5كىچە تۆۋەنلەتسە بولىدىكەن؛ 9-ئاينىڭ 30-كۈنىدىن بۇرۇن قۇرۇلۇش قىلىش ئىجازەتنامىسى بېجىرىدىغان تۈرلەردە، بۇ يىلدىكى ئەمەلىي قۇرۇلۇش مىقدارىنىڭ سېلىشتۇرما ئېغىرلىقى بويىچە شەھەر ئۇل ئەسلىھە يۈرۈشلەشتۈرۈش خىراجىتى كېمەيتىلىدىكەن ۋە كەچۈرۈم قىلىنىدىكەن.
