شىنجاڭنىڭ ئاساسلىق پاختا ئىشلەپچىقىرىش رايونىدا تۇنجى قېتىم «بۇغداي بىلەن كېۋەزنى تەڭ تېرىش» ئەندىزىسى يولغا قويۇلدى

　　شىنجاڭنىڭ ئاساسلىق پاختا ئىشلەپچىقىرىش رايونىدا تۇنجى قېتىم «بۇغداي بىلەن كېۋەزنى تەڭ تېرىش» ئەندىزىسى يولغا قويۇلدى

       خەلق تورى خەۋىرى: 4-ئاينىڭ 9-كۈنى، شىنجاڭ بايىنغولىن موڭغۇل ئاپتونوم ئوبلاستى لوپنۇر ناھىيەسىدە تۇنجى قېتىم «بۇغداي بىلەن كېۋەزنى تەڭ تېرىش» ئەندىزىسى كەڭ كۆلەمدە ئومۇملاشتۇرۇلۇپ يولغا قويۇلۇپ، ئەتىيازلىق تېرىلغۇ باشلاندى. ئىگىلىنىشىچە، لوپنۇر ناھىيەسى پۈتۈن مەملىكەت بويىچە ئەلا سۈپەتلىك تاۋار پاختا بازىسى ۋە «قوش يۈز جىڭلىق ساپ پاختا ناھىيەسى» بولۇش سۈپىتى بىلەن، تۇنجى قېتىم «بۇغداي بىلەن كېۋەزنى تەڭ تېرىش» ئەندىزىسىنى ئومۇملاشتۇرۇپ يولغا قويغان، زىرائەتلەرنىڭ ئۆسۈشتىكى ۋاقىت پەرقىدىن پايدىلىنىپ، بۇغداي مايسىسى، كېۋەي مايسىسىنى 10 سانتىمېتىردىن ئايرىپ، ھالرەڭلىك دورىلىق سۇلياۋ يوپۇق ئىشلىتىپ، بىر يوپۇقتا تۆت قۇر كېۋەز ۋە ئىككى قۇر بۇغداي تېرىپ، بۇغداينىڭ تۆۋەن تېمېپېراتۇرىدا تېز ئۆسۈشتەك ئالاھىلىدىلىكىنى تولۇق جارى قىلدۇرۇپ، كېۋەز مايسىلىرىنىڭ ئۆسۈشىنىڭ دەسلەپكى مەزگىلىنى شامالدىن، سوغۇقتىن مۇداپىئەلىنىشتىكى تەبىئىي «شامال مۇداپىئە ئورمىنى» بىلەن تەمىنلىگەن. شۇنىڭ بىلەن بىر ۋاقىتتا، بۇغداي 20 سانتىمېتىر ئۆسكەندە تاللاش خاراكتېرلىك ئوت-چۆپ يوقىتىش دورىسىنى ئىشلەتكەن، يىلتىز سىستېمىسى ئورگانىك ئوغۇتقا ئايلىنىپ كېۋەز مايسىلىرىنىڭ ساغلام ئۆسۈشىگە ياردەم بەرگەن. ھازىرغىچە، لوپنۇر ناھىيەسى «بۇغداي بىلەن كېۋەزنى تەڭ تېرىش» ئەندىزىسىنى 25 مىڭ مو يەرگە كەڭ كۆلەمدە ئومۇملاشتۇرغان.