تىيانشان تورى خەۋىرى ( ئىختىيارىي مۇخبىرىمىز ۋاڭ لۇبىن، جۇ فاچېڭ خەۋىرى، فوتوسى): ھازىر ئالتۇن كۈز پەسلى، شىنجاڭ بايىنغولىن موڭغۇل ئاپتونوم ئوبلاستى خېجىڭ ناھىيەسىنىڭ شەرقىي شىمالىغا جايلاشقان كىرئۇت جىلغىسىنىڭ مەنزىرىسى ناھايىتى گۈزەل تۈسكە كىرگەن بولۇپ، تاڭ سەھەردىكى شەپەق نۇرىدا يىراقلارغا نەزەر سالىدىغان بولساق، ئالتۇن رەڭلىك تون كىيگەن توغراقلار قۇياش نۇرىدا يالتىرايتتى، قوي-كالىلار ئۆزلىرىگە تونۇش تار يولدا توپا توزىتىپ چېپىشاتتى، مەيىن شامال بۇلۇتلارنى ھەر تەرەپكە ئۇچۇراتتى، بۇ جىمجىت جايدا كۆك ئاسمان، ئاق بۇلۇت، تىك قىيا، ئورمانلار بىر-بىرىنى گەۋدىلەندۈرۈپ، خۇددى نەپىس سىزىلغان بىر پارچە ماي بوياق رەسىمدەك كۈز گۈزەللىكىنى نامايان قىلاتتى.
