مەركىزىي تېلېۋىزىيە ئىستانسىسى تورى خەۋىرى: 2019-يىلى 9-ئاينىڭ 18-كۈنى، جۇڭچيۇ بايرىمى ئۆتۈپ كەتكەندىن كېيىن، چىڭداۋدا ھاۋانىڭ سوۋۇشىغا ئەگىشىپ، تۇنجى تۈركۈمدىكى ئون مىڭغا يېقىن لايخورەك تۈرىدىكى پەسىل قۇشلىرى جياۋجۇ قۇلتۇقىدىكى دۆلەت دەرىجىلىك دېڭىز-ئوكيان باغچىسىغا كۆچۈپ كېلىپ قىشلاشقا تەييارلىق قىلدى، قۇشلار توپلاشقان كۆرۈنۈشلەر ھەيۋەتلىك تۈسكە كىردى. ئىگىلىنىشىچە، جياۋجۇ قولتۇقىدىكى دۆلەت دەرىجىلىك دېڭىز-ئوكيان باغچىسى شەرقىي ئاسىيادىكى پەسىل قۇشلىرىنىڭ كۆچۈش لىنىيەسىدىكى مۇھىم يول بولۇپ، ھەر يىلى ئەتىياز ۋە كۈز ئىككى پەسىلدە، نەچچە مىليونلىغان پەسىل قۇشلىرى بۇ يەردىن ئۆتىدىكەن، بىر قىسىم لايخورەك تۈرىدىكى پەسىل قۇشلىرى بۇ يەردە قىشلايدىكەن.
