تىيانشان تورى خەۋىرى (ئىختىيارىي مۇخبىر يەن شوۋلىن فوتوسى، خەۋىرى): 7-ئاينىڭ 21-كۈنى، شىنجاڭ ئاقسۇ ۋىلايىتى ئونسۇ ناھىيەسى توپخان بازىرى يېڭى كەنتىدە سەۋزىدىن مول ھوسۇل ئالغان دېھقانلار ھاياجانغا چۆمدى. بۇ يىل، ئونسۇ ناھىيەسى توپخان بازىرى ئۆز جايىنىڭ سۇ، تۇپراق، يورۇقلۇق، ئىسسىقلىق بايلىقى يېتەرلىك بولۇش ئەۋزەللىكىدىن تولۇق پايدىلىنىپ، دېھقانلارنى مەھسۇلات مىقدارى يۇقىرى، ساقلاشقا چىداملىق، بازىرى ياخشى سەۋزە تېرىشقا پائال يېتەكلىدى، تېرىپ بولغاندىن كېيىن دېھقانلار ئېتىز پەرۋىشىنى كۈچەيتكەنلىكتىن، بازار بويىچە 625 مو يەردىكى سەۋزىدىن مول ھوسۇل ئېلىندى، بىرلىك مەھسۇلات تۆت توننىغا يەتتى، بۇ سەۋزىلەر شىنجاڭدىكى چوڭ شەھەرلەرگە ئارقا-ئارقىدىن سېتىلدى.
