تىيانشان تورى   ›   خەۋەر مەركىزى   ›   شىنجاڭ

[شىنجاڭ ياخشى جاي] بۇ يىل سەنيادىن شىنجاڭغا 20 نۆۋەت ساياھەت مەخسۇس پويىزى قاتنايدۇ

  مۇخبىرىمىز چىن جىنلى خەۋىرى: 5-ئاينىڭ 9-كۈنى، شىنجاڭ ساياھەت گۇرۇھى بىلەن سەنيا شەھەرلىك خەلق ھۆكۈمىتى ئۈرۈمچىدە كېلىشىم ئىمزالاپ، يىپەك يولى يۈرۈشلۈك ساياھەت مەخسۇس لىنىيەسىنى ئورتاق بەرپا قىلىپ، پۈتۈن بىر يىلدا خەينەن سەنيا بىلەن شىنجاڭ ئارىسىدا بېرىپ-كېلىپ قاتنايدىغان ساياھەت مەخسۇس پويىزىنى يولغا قويدى.

  يېقىنقى يىللاردىن بۇيان، شىنجاڭدىن سەنياغا دەم ئېلىش، ساياھەت قىلىشقا بارىدىغانلار ھەر يىلى 200 مىڭ ئادەم قېتىمدىن ئاشتى، ھەر يىلى 11-ئايدىن كېيىنكى يىلى 4-ئايغىچە بولغان پەسىللىك ساياھەت ئاساس قىلىندى. شىنجاڭ ساياھەت گۇرۇھىنىڭ باش مۇدىرى شۈ يەن مۇنداق دېدى: «بۇ يىلقى ساياھەت ھەمكارلىقى ئۈچۈن، يىل بېشىدا گۇرۇھىمىز سەنيا شەھىرىدە شىنجاڭ ساياھەت ئىش باشقارمىسى تەسىس قىلدى.»

  ئىگىلىنىشىچە، 4-ئاينىڭ 28-كۈنىدىن 5-ئاينىڭ 5-كۈنىگىچە، سەنيادىن شىنجاڭغا يولغا چىققان ھاۋا تەڭشىگۈچلۈك ساياھەت مەخسۇس پويىزى سىناق تەرىقىسىدە قاتناپ، خېيلۇڭجياڭ، خېنەن، سىچۈەن قاتارلىق جايلاردىن كەلگەن 400دىن ئارتۇق ساياھەتچى سەنيانى ساياھەت قىلىپ بولغاندىن كېيىن، شىنجاڭغا كېلىپ ساياھەت قىلغان. شۈ يەن مۇنداق دېدى: «سەنيا تەرەپتىن بۇ يىل ئاز دېگەندە 20 ساياھەت مەخسۇس پويىزى شىنجاڭغا  قاتنايدۇ.»

مەسئۇل مۇھەررىر : ئامانگۈل ئابدۇراخمان

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • نىڭبو-كۇچا ئىتتىپاقلىق كەنتىدىكى تۆت ئەۋلاد كىشىلەرنىڭ دەۋر ئەسلىمىسى
  • باھاردا كۆكلەم سەيلىسى قىلىش
  • نەشپۈت چېچىكى ساياھەتچىلەرنى مەستخۇش قىلدى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى