ئىشىك-دېرىزىلەرنى ئوبدان تاقاڭ! شىنجاڭ مېتېئورولوگىيە ئىستانسىسى قۇم-بوراندىن مۇداپىئەلىنىش سېرىق رەڭلىك ئاگاھلاندۇرۇش سىگنالى تارقاتتى

　　باش مۇخبىرىمىز يۈ مىڭفەن، ئىختىيارىي مۇخبىرىمىز جاۋ كېمىن خەۋىرى: 3-ئاينىڭ 18-كۈنى سائەت 13:00دە، شىنجاڭ مېتېئورولوگىيە ئىستانسىسى قۇم-بوراندىن مۇداپىئەلىنىش سېرىق رەڭلىك ئاگاھلاندۇرۇش سىگنالى تارقاتتى. مۆلچەرلىنىشچە، بۈگۈن كېچىدىن 3-ئاينىڭ 20-كۈنى كۈندۈزگىچە شەرقىي شىنجاڭ ۋە جەنۇبىي شىنجاڭدا ئىلگىرى-كېيىن بولۇپ قۇم-بورانلىق ھاۋارايى كۆرۈلىدىكەن. بۈگۈن كېچىدىن 3-ئاينىڭ 19-كۈنى كۈندۈزگىچە تۇرپان، قومۇلدا بەش بال ئەتراپىدا غەربىي شىمال شامىلى چىقىدىكەن. 30 چاقىرىم شامال رايونى، 100 چاقىرىم شامال رايونىدا پەيتلىك بوران كۈچى 10 بالغا يېتىدىكەن. قىسمەن رايونلاردا چاڭ-توزانلىق ياكى قۇم-بورانلىق ھاۋارايى كۆرۈلىدىكەن. 3-ئاينىڭ 19-كۈنىدىن 20-كۈنىگىچە جەنۇبىي شىنجاڭنىڭ شەرقىدىكى رايونلاردا بەش بال ئەتراپىدا قىيپاش شەرق شامىلى چىقىدىكەن، ئۆتكۈنچى بوران يەتتە بالغا يېتىدىكەن.  تارىم ئويمانلىقىنىڭ كۆپ قىسىم رايونلىرىدا قۇم-بورانلىق ھاۋارايى كۆرۈلىدىكەن، بايىنغولىن موڭغۇل ئاپتونوم ئوبلاستىنىڭ جەنۇبى، خوتەن ۋىلايىتى، ئاقسۇ ۋىلايىتىنىڭ جەنۇبى، قەشقەر ۋىلايىتىنىڭ شەرقى قاتارلىق جايلارنىڭ قىسمەن رايونلىرىدا  چاڭ-توزانلىق ھاۋارايى كۆرۈلىدىكەن. ھەر قايسى تارماقلار ئالدىنى ئېلىش خىزمەتلىرىنى ياخشى ئىشلىشى كېرەك ئىكەن.

　　ئەسلىي خەۋەرنى بۇ يەرنى چېكىپ كۆرۈڭ