تىيانشان تورى   ›   تۇرمۇش   ›   يېزا ئىگىلىكى

ئانارنى ئېھتىياجغا قاراپ ئوغۇتلاش كېرەك

    1. ئانارنى ئەڭ ياخشىسى فوسفور، كالىيلىق ئوغۇت بىلەن ئوغۇتلاش، ئازوتلۇق ئوغۇتنى ئىلاج بار بەرمەسلىك كېرەك، چۈنكى ئانار چېچەكلەپ مېۋىلەيدىغان دەرەخ بولۇپ، فوسفور ۋە كالىيلىق ئوغۇتلار دەرەخنىڭ مېۋىلەش ئېھتىياجىنى قاندۇرالايدۇ.

    2. ناۋادا ئانار يەرگە تېرىلغان بولسا، چېچەكلەش مەزگىلىدە قوشۇمچە ئوغۇت بەرمەسلىك كېرەك، چېچەكلەش مەزگىلىدە قوشۇمچە ئوغۇت بەرگەندە چېچەك، مېۋىلىرى ئاسان تۆكۈلۈپ كېتىدۇ، چېچەكلەش مەزگىلىدە يەنە بەك سۇغىرىۋەتمەسلىك كېرەك، چۈنكى ئانار كۆپ سۇغىرىشنى ياقتۇرمايدۇ، كۆپ سۇغىرىۋەتسىمۇ چېچەك، مېۋىلىرى ئاسان تۆكۈلۈپ كېتىدۇ.

    3. يەرگە تېرىلغان ئانارنى ئۆسۈش مەزگىلىدە يېرىم ئايدا بىر قېتىم ئوغۇتلىساق بولىدۇ، بۇ ۋاقىتتا قوشۇمچە ئوغۇتنى ئاز بېرىش، ئالدىراقسانلىق بىلەن كۆپ ئوغۇتلىۋەتمەسلىك كېرەك، ئۇنداق بولغاندا ئوغۇت ئانار دەرىخىنى كۆيدۈرۈپ ئۆلتۈرۈپ قويىدۇ.

    4. بەشىنچى ئايدا ئانارنىڭ چېچەكلەش مەزگلىدە قوشۇمچە ئوغۇتلاشقا بولمايدۇ، چېچەك تۆكۈلۈپ مېۋىلىگەندىن كېيىن ئاندىن قوشۇمچە ئوغۇتلاشقا بولىدۇ، ناۋادا ئانار چېچەكلەشتىن بۇرۇن قوشۇمچە ئوغۇتلىماقچى بولساق، ھەر يىلى 4-ئايدا چىڭمىڭ بايرىمىدىن كېيىن ھەر 15 كۈندە بىر قېتىم قوشۇمچە ئوغۇتلىساق بولىدۇ. چېچەكلەشتىن بۇرۇن، غورا مەزگىلى ۋە مېۋىسىنىڭ يوغىناش مەزگىلىدە ئايرىم-ئايرىم جۇاڭگو دىلىڭ ئوغۇتى پۈركىلىدۇ، بۇنداق بولغاندا تۈپلەرنىڭ بىيولوگىيەلىك ئۆسۈشى ئىلگىرى سۈرۈلۈپ، نەيچە يوللىرى كېڭىيىدۇ، سۇ ۋە ئوغۇت سۈمۈرۈش ئىقتىدارى ئېشىپ، مېۋىلەش مىقدارى ۋە سۈپىتى يۇقىرى كۆتۈرۈلىدۇ شۇنداقلا مېۋىسىنىڭ تۆكۈلىشىنى ئازايتقىلى، مېۋىسىنىڭ يېرىلىش، قاتتىق بولۇپ قېلىش ۋە غەيرى مېۋە بولۇپ قېلىشىنى ئازايتقىلى بولىدۇ.

ئەسلىي خەۋەرنى بۇ يەرنى چېكىپ كۆرۈڭ

مەسئۇل مۇھەررىر : نىجات نىياز

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • جۇڭگو ساياھەت كۈنى: شىنجاڭ سايرام كۆلى مەنزىرە رايونى ساياھەتچىلەرنىڭ مەدەنىي ساياھەت قىلىشىنى تەشەببۇس قىلدى
  • موڭغۇلكۈرەنىڭ مەنزىرە رايون ساياھەتچىلىكىنى تونۇشتۇرۇشتىكى يېڭى ئەندىزىسى ئالقىشلاندى
  • باقمىچىلىقىنى تەرەققىي قىلدۇرۇش