شىنجاڭ گېزىتى مۇخبىرى جاۋ جىيۈن خەۋەر قىلىدۇ: پۈتۈن شىنجاڭدىكى ھەر مىللەت خەلقنىڭ مۇھىم تاپشۇرۇقىنى ئېلىپ، تولۇپ تاشقان ھاكىمىيەت ئىشلىرىغا قاتنىشىش ۋە ھاكىمىيەت ئىشلىرىنى مۇھاكىمە قىلىش ھېسسىياتى بىلەن، 3- ئاينىڭ 1- كۈنى چۈشتىن بۇرۇن، سىياسىي كېڭەش مەملىكەتلىك 13- نۆۋەتلىك كومىتېتىنىڭ 2- يىغىنىغا قاتنىشىدىغان شىنجاڭدا تۇرۇشلۇق مەملىكەتلىك سىياسىي كېڭەش ئەزالىرى ئۈرۈمچىدىن يولغا چىقىپ بېيجىڭغا يۈرۈپ كەتتى.
سىياسىي كېڭەش ئەزالىرى مۇنۇلارنى بىلدۈردى: 2019- يىلى جۇڭخۇا خەلق جۇمھۇرىيىتى قۇرۇلغانلىقىنىڭ 70 يىللىقى، ئومۇميۈزلۈك ھاللىق جەمئىيەت قۇرۇپ چىقىشتىكى ئاچقۇچلۇق يىل، بۇ يىلقى مەملىكەتلىك ئىككى يىغىن ئىنتايىن مۇھىم ئەھمىيەتكە ئىگە، بىز شەرەپلىك بۇرچنى زىممىمىزگە ئالغان، شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسىنى يېتەكچى قىلىپ، پارتىيە 19- قۇرۇلتىيى ۋە پارتىيە 19- نۆۋەتلىك مەركىزىي كومىتېتى 2-، 3- ئومۇمىي يىغىنىنىڭ روھىنى چوڭقۇر ئۆگىنىپ، ئىزچىللاشتۇرۇپ، «تۆت ئاڭ»نى مۇستەھكەم تۇرغۇزۇپ، «تۆت ئىشەنچ»نى چىڭىتىپ، «ئىككىنى قوغداش»نى ئىشقا ئاشۇرۇپ، يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ شىنجاڭنى ئىدارە قىلىش تەدبىرى، بولۇپمۇ ئىجتىمائىي مۇقىملىق ۋە ئەبەدىي ئەمىنلىك باش نىشانىنى زىچ چۆرىدەپ، يۈكسەك سىياسىي مەسئۇلىيەت تۇيغۇسى ۋە بۇرچ تۇيغۇسى بىلەن، يىغىنغا يۇقىرى سۈپەتلىك تەكلىپ سۇنۇش بىلەن بىللە، ئۆزىمىز تەكشۈرۈپ تەتقىق قىلىش جەريانىدا ئىگىلىگەن كونكرېت ئەھۋاللارغا بىرلەشتۈرۈپ، پائال چارە - تەدبىر كۆرسىتىمىز. ئاممىنىڭ ئۈمىدى ۋە ئارزۇسىنى يىغىنغا ئېلىپ بېرىپ، كۆپلەپ ئاقىلانە چارە كۆرسىتىپ، كۆپلەپ ئەمەلىي تەدبىر كۆرسىتىپ، كۆپلەپ تەرەققىيات پىلانى تۈزۈپ، ئاپتونوم رايونلۇق پارتكومنىڭ مۇھىم تاپشۇرۇقىنى يەردە قويماي، پۈتۈن شىنجاڭدىكى ھەر مىللەت خەلقنىڭ ئۈمىدىنى يەردە قويماي، شىنجاڭنىڭ ئىجتىمائىي مۇقىملىق ۋە ئەبەدىي ئەمىنلىك باش نىشانىنى ئىشقا ئاشۇرۇش ئۈچۈن تۆھپە قوشىمىز.
