شىنخۇا ئاگېنتلىقى خەۋىرى: دۇنيادا جاپا تارتماي ھالاۋەت كۆرىدىغان ئىش يوق، بەختلىك بولۇش ئۈچۈن كۈرەش قىلىش كېرەك.
«تونېل ياسىغان چاغلىرىمىزدا كۆزىمىزدىن باشقا ھەممە يېرىمىز ئاپئاق توپا بولۇپ كېتەتتى» دېدى جۇڭگو تۆمۈريولى 2-تەكشۈرۈپ لايىھەلەش ئورنىدىن پېنسىيەگە چىققان پېشقەدەم تەكشۈرۈپ ئۆلچەش خادىمى ليۇ جەنگو ئۆزىنىڭ غەربىي جەنۇبتا ئۆتكەن 40 نەچچە يىلدىن ئارتۇق «تۆمۈريول ھاياتى»نى ئەسلەپ.
لى خوڭجۈن 2019-يىلى سىچۈەن ئۆلكىسى چېڭدۇ شەھىرى يىخې شىنچېڭ مەھەللىسىدىكى دۇكىنىدا خىزمەت قىلماقتا. (شۆ يۈبىن فوتوسى)
«مېيىپلارمۇ ئۆزىگە چۇشلۇق ئىش قىلالايدۇ، <مېيىپ>لىق ھەرگىزمۇ <كېرەكسىز>لىكتىن دېرەك بەرمەيدۇ!» تېز پوسۇلكا يەتكۈزۈش خادىمى لى خوڭجۈن بىر پۇتى بىلەن پوسۇلكا يەتكۈزۈپ، ئۆزىنىڭ تىرىشچانلىقى بىلەن تېز پوسۇلكا يەتكۈزۈش دۇكىنى ئاچتى.
يېڭى دەۋر كۈرەشچىلەرنىڭ دەۋرى.
بۈگۈن، جۇڭگو ئېرىشكەن شان-شەرەپلىك نەتىجىلەرنى مىليونلىغان ئەمگەكچى يەڭنى تۈرۈپ، قان-تەر تۆكۈپ كۈرەش قىلىپ قولغا كەلتۈرگەن.
كۆڭلىمىزگە ئارزۇ پۈكۈپ، كۈچىمىزنىڭ بارىچە ئۇنىڭغا ئىنتىلەيلى.
ئۇلۇغ جۇڭخۇا زېمىنىدا مىليونلىغان جۇڭخۇا پەرزەنتى كۈرەشنى ئارزۇغا يېتىشتىكى زۆرۈرىيەت دەپ بىلىپ، رەڭگارەڭ ئارزۇلىرىنى كۆڭلىگە پۈكۈپ ئۇچقاندەك ئىلگىرىلەپ، جۇڭخۇا مىللەتلىرىنىڭ بۈيۈك گۈللىنىشىدىن ئىبارەت ئۇلۇغۋار ئارزۇنى ئەمەلگە ئاشۇرۇشتىكى گۈزەل كارتىنىلارنى سىزىپ چىقماقتا.
