مۇخبىرىمىز ساۋ خۇا خەۋىرى : 2019 -يىللىق چاغانلىق يولۇچى توشۇش رەسمىي باشلاندى. يولۇچىلارنىڭ بىخەتەر، ئازادە سەپەرگە چىقىشىغا كاپالەتلىك قىلىش ئۈچۈن، شىنجاڭ تۆمۈر يولى، تاشيولى، ئاۋىياتسىيەسى بىر قاتار چاغانلىق يولۇچى توشۇش لايىھەلىرىنى تۈزۈپ، پويىز سۈرئىتىنى تېزلىتىش، لىنىيەنى كۆپەيتىش قاتارلىق يېڭى ئۆزگىرىش ۋە يېڭى تەدبىرلەرنى يولغا قويدى.
تۆمۈر يول: چاغانلىق يولۇچى توشۇش باشلىنىشى بىلەن، شىنجاڭ تۆمۈر يول ئىدارىسى بۇ يىل ئىككىنچى قېتىم پويىز ۋاقىت جەدۋىلىگە قارىتا تەڭشەش ئېلىپ بېرىپ، ھازىرقى 119 يولۇچىلار پويىزىنىڭ شىنجاڭ ئىچىدە يۈرۈش ۋاقتىنى تەڭشىدى. بۇنىڭ ئىچىدە 97 يولۇچىلار پويىزىنىڭ قاتناش ۋاقتى بىردەك ئوخشىمىغان دەرىجىدە قىسقارتىلدى. شىنجاڭ ئىچىدە قاتنايدىغان يولۇچىلار پويىزىنىڭ يۈرۈش ۋاقتى ھەر بىرىنىڭ ئوتتۇرا ھېساب بىلەن 38 مىنۇت قىسقارتىلدى، شىنجاڭدىن ئىچكىرى ئۆلكىلەرگە قاتنايدىغان پويىزنىڭ يۈرۈش ۋاقتى ھەر بىرىنىڭ ئوتتۇرا ھېساب بىلەن 60 مىنۇت قىسقارتىلدى.
خەلق ئاۋىياتسىيەسى: كۆپلىگەن ئاۋىياتسىيە شىركەتلىرى ئۈرۈمچىدىن سەنيا، جېنجوۋ قاتارلىق شەھەرلەرگە قاتنايدىغان يولۇچىلار ئاۋىياتسىيە لىنىيەلىرىنى زىچلاشتۇردى، ھەمدە مۇددەتتىن بۇرۇن نۇرغۇن ئېتىبار باھالىق ئايروپىلان بىلەتلىرىنى سېتىشنى يولغا قويدى. بۇنىڭ ئىچىدە، جەنۇب ئاۋىياتسىيەسى شىنجاڭ تارماق شىركىتى ئۈرۈمچىدىن جېنجوۋغا قاتنايدىغان ئاۋىياتسىيە لىنىيەسىدىن بىرنى كۆپەيتىپ، ئۈرۈمچىدىن سەنيا قاتارلىق شەھەرلەرگە بىۋاسىتە بارىدىغان-كېلىدىغان ئاۋىياتسىيە لىنىيەسىنى ئاچتى.
تاشيول: چاغانلىق يولۇچى توشۇش مەزگىلىدە ئاپتونوم رايوندىكى قاتناش تىرانسپورت تارماقلىرى يولۇچىلارنىڭ سەپەرگە چىقىشىنى كاپالەتلەندۈرۈش ئۈچۈن 30 مىڭ يولۇچىلار ئاپتوموبىلىنى كۆپەيتتى ھەمدە جىددىي ئەھۋالغا تاقابىل تۇرۇشتا ئىشلىتىدىغان يولۇچىلار ئاپتوموبىلىدىدىن 750 نى زاپاس ھازىرلىدى.
