كۇچا ناھىيەسىدە 550 مىڭ مو يەردىكى ماشىنا بىلەن يىغىۋېلىنىدىغان پاختا يىغىلىشقا باشلىدى

    ئىختىيارىي مۇخبىرىمىز سەي شۇ خەۋىرى، فوتوسى: ئالتۇن كۈزدە شىنجاڭ كۇچا ناھىيەسىدىكى كېۋەزلىكتە خۇشاللىنارلىق مول ھوسۇل مەنزىرىسى بارلىققا كەلدى. كۇچا ناھىيەسى دۆڭقوتان بازىرى كوچا توغراق كەنتىدىكى 21 مىڭ مو يەرگە تېرىلغان ماشىنا بىلەن يىغىۋېلىنىدىغان پاختىلار 10-ئاينىڭ 10-كۈنى چوڭ تىپتىكى پاختا يىغىش ماشىنىسى ئارقىلىق يىغىلىۋاتاتتى، مۆلچەرلىنىشىچە، ماشىنا ئارقىلىق پاختا يىغقاندىن كېيىن پاختىكارلارنىڭ مو بېشى كىرىمى تەخمىنەن 200 يۈەندىن 400 يۈەنگىچە ئاشىدىكەن. ئىگىلىنىشىچە، كۇچا ناھىيەسى بۇ يىل تەننەرخنى تېجەپ، كىرىمنى ئاشۇرۇش ئۈچۈن ناھىيە بويىچە 550 مىڭ مو يەرگە ماشىنا بىلەن يىغىۋېلىنىدىغان پاختا تەرگەن، تېز يىغىۋېلىش سالمىقىنى ئاشۇرۇش ئۈچۈن، بۇ ناھىيە بۇ يىل پاختا تېرىش ماشىنىسىدىن 120 نەچچىنى ئىشقا سېلىپ، پاختىدىن مول ھوسۇل ئېلىشقا كاپالەتلىك قىلغان.