تەڭرىتاغ تورى   ›   تۇرمۇش   ›   ساغلاملىق

بولو بۆرەك زەئىپلىشىشنى پەيدا قىلامدۇ؟

ماتېرىيال سۈرەت

   خەلق تورى خەۋىرى: بولو يېسە راستىنلا بۆرەك زەئىپلىشىشنى پەيدا قىلامدۇ؟ جاۋابى ئۇنداق ئەمەس.

  بۆرەك ئادەم بەدىنىدىكى ئىنتايىن مۇھىم ماددا ئالماشتۇرىدىغان ئەزا، مېتابولىزم ماددىلىرىنىڭ ھەممىسى بۆرەكتە بىر تەرەپ قىلىنغاندىن كېيىن ئاندىن بەدەن سىرتىغا چىقىرىۋېتىلىدۇ. ئۆتكۈر بۆرەك زەئىپلىشىش بۆرەكتىكى قان ئايلىنىش زەئىپلىشىش ياكى بۆرەك نەيچىسىنىڭ ئۆزگىرىشى سەۋەبىدىن كېلىپ چىقىدىغان بىر خىل تاسادىپىي خاراكتېرلىك بۆرەك ئىقتىدارى ئاجىزلىشىشنى كۆرسىتىدۇ.

ماتېرىيال سۈرەت

  ئۆتكۈر بۆرەك زەئىپلىشىشنى پەيدا قىلىدىغان سەۋەبلەر ناھايىتى كۆپ، دائىم كۆرۈلىدىغان سەۋەبلەردىن قان ئازلىق، تۆۋەن قان بېسىمى قاتارلىقلار بار. قان ئازلىق بىلەن تۆۋەن قان بېسىمى بۆرەكتىن ئۆتىدىغان قان سۇيۇقلۇقىنىڭ يېتىشمەسلىكىنى كەلتۈرۈپ چىقىرىدۇ، بۇنىڭ بىلەن بۆرەك قان يېتىشمەسلىكتىن نورمال خىزمەت قىلالمايدۇ. بەزى دورىلارمۇ بۆرەكنى زەخمىلەندۈرۈپ، بۆرەكنى بىۋاسىتە كاردىن چىقىرىدۇ. بۇنىڭدىن سىرت، تاش چۈشۈش، ئۆسمە قاتارلىق سەۋەبلەرمۇ بۆرەك مېتابولىزمىدا مەسىلە پەيدا قىلىپ، كۆپ مىقداردىكى مېتابولىزم ماددىلىرىنىڭ بۆرەكتە يىغىلىپ قىلىشىنى كەلتۈرۈپ چىقىرىدۇ، بۇنىڭ بىلەن ئۆتكۈر بۆرەك زەئىپلىشىش ئەھۋالى كۆرۈلىدۇ.

ماتېرىيال سۈرەت

   ياشانغانلارنىڭ بۆرىكىنىڭ سۈپىتى كۆرۈنەرلىك يېنىكلەش سەۋەبلىك ئۇلاردا بۆرەكتىكى قان ئېقىم مىقدارى ئازىيىدۇ، سۈيدۈكنى قويۇلدۇرۇش-سۇيۇلدۇرۇش ئىقتىدارى تۆۋەنلەيدۇ، بۆرەك قان تومۇرى قېتىشىدۇ، قان-تومۇر تەڭشەش ئىقتىدارى ئاجىزلاپ، قان-تومۇرلارنى ئاكتىپلاشتۇرغۇچى ماددا ئاجرىتىپ چىقىرىش ئازىيىپ، بۆرەكتىكى زاپاس ساقلاش ئىقتىدارى كۆرۈنەرلىك تۆۋەنلەيدۇ. شۇڭا ياشانغانلارنىڭ بۆرەكنى زەخمىلەندۈرىدىغان تۈرلۈك ئامىللارغا بولغان سەزگۈرلۈكى ئېشىپ، ئۇلاردا ئاسانلا ئۆتكۈر بۆرەك زەئىپلىشىش كېلىپ چىقىدۇ.

   بولو تەركىبىدە بۆرەك زەئىپلىشىشنى كەلتۈرۈپ چىقىرىدىغان ھېچقانداق ئالاھىدە تەركىب يوق، شۇڭا بولو ئۆتكۈر بۆرەك زەئىپلىشىشنى كەلتۈرۈپ چىقارمايدۇ، كىشىلەر خاتىرجەم يېسە بولىدۇ.

ماتېرىيال سۈرەت

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • ئۈرۈمچىدە قار تېيىلىش سورۇنلىرى تىجارەت باشلىدى
  • چاغانتوقاي ناھىيەسىدە چارۋىلار قىشلىق چارۋىچىلىق مەيدانىغا كۆچۈرۈلدى
  • جامبۇلاق تۇنجى نۆۋەتلىك قار-مۇز بايرىمى پىيادە مېڭىش پائالىيىتى ئۆتكۈزۈلدى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى