تەڭرىتاغ تورى   ›   خەۋەر مەركىزى   ›   ئۈرۈمچى

«مىللەتلەر ئىتتىپاقلىشىپ بىر ئائىلە كىشىلىرىدەك بولۇش» ئائىلىۋى تەنھەرىكەت مۇسابىقىسى ئاھالىلەرنى خۇش قىلدى

   شىنجاڭ تورى خەۋىرى: «قوزام، غەيرەت قىل، سەن ئەڭ قالتىس، ئەڭ ئاخىرقى مەنزىلگە كېلەيلا دېدىڭ» مۇسابىقە مەيدان سىرتىدا بىر ئانا قىزىغا مەدەت بېرىۋاتاتتى. مەيدان ئىچى قاينام-تاشقىنلىققا چۆمگەنىدى. 5-ئاينىڭ 13-كۈنى، ئۈرۈمچى شەھەرلىك مائارىپ ئىدارىسىنىڭ «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمىتى بويىچە تەڭرىتاغ رايونى شىمالىي ئازادلىق يولى تەۋەلىك رايونىنى باشقۇرۇش كومىتېتىنىڭ ياشلار يولى مەھەللە كومىتېتىدا تۇرۇشلۇق خىزمەت ئەترىتىدىكىلەر ياشلار يولى مەھەللە كومىتېتى ۋە ساغلاملىق يولى مەھەللە كومىتېتى بىلەن بىرلىشىپ، «مىللەتلەر ئىتتىپاقلىشىپ بىر ئائىلە كىشىلىرىدەك بولۇش» ئائىلىۋى كۆڭۈل ئېچىش تەنھەرىكەت مۇسابىقىسى ئۆتكۈزدى.

   پائالىيەتكە خىزمەت ئەترىتىدىكىلەر، مەھەللە كومىتېتىنىڭ كادىرلىرى، قوشماقلاشقان تۇغقانلار، شۇ رايوندىكى ئاھالىلەردىن بولۇپ، جەمئىي 200دىن ئارتۇق كىشى قاتناشتى، كىنگۇرۇچە سەكرەش، پۇت باغلاپ مېڭىش، 25 مېتىرغا توپ ئېلىپ كۈچ ئۇلاش، تەپكۈچ تېپىش، ئارقان سەكرەش، ئارقان تارتىشىش قاتارلىق تۈرلۈك كەسكىن مۇسابىقە، قىزىقارلىق پائالىيەتلەر ئىچىدە قوشنىلار ئارا ھەمكارلىق، دوستلۇق يەنىمۇ ئىلگىرى سۈرۈلۈپ، ھەر مىللەت ئارىدىسىكى رىشتە چوڭقۇرلاشتى.

    ئاھالە ئارزىگۈل ئابدۇللا ئوغلى مۇستافا قۇربان بىلەن مۇسابىقىگە قاتناشقان بولۇپ، ئۇ بالدۇر كېلىپ مۇسابىقىگە تەييارلىق كۆردى. ئارزىگۈل مۇنداق دېدى: «خىزمەت ئەترىتى ۋە مەھەللە كومىتېتىنىڭ بۇ تۈردىكى پائالىيەتلەرنى ئورۇنلاشتۇرۇشى بەك ياخشى بولدى، قولۇم-خوشنىلار ئارا، بالىلار ئارا پىكىر ئالماشتۇرۇشىمىز كۆپىيىپلا قالماي، يەنە خىزمەت ئەترىتى بىلەن ئامما ئوتتۇرىسىدىكى پىكىر ئالماشتۇرۇشمۇ ئىلگىرى سۈرۈلدى، تەنتەربىيە پائالىيەتلىرى يەنە ساغلاملىقىمىزغىمۇ پايدىلىق، مەن بەك خۇش بولدۇم».

    خىزمەت ئەترىنىڭ باشلىقى تۆمۈرجان نامان مۇنداق دېدى: بۇ قېتىملىق پائالىيەت تولىمۇ ئەھمىيەتلىك، كۆڭۈللۈك بولدى، قولۇم-خوشنىلار، قوشماقلاشقان ئۇرۇق-تۇغقانلار ۋە بالىلارنىڭ ھەممىسى خۇش بولدى، ھەر مىللەت قوشنىلار ئارا مۇناسىۋەت تېخىمۇ يېقىنلاشتى، بۇنىڭدىن كېيىنمۇ مۇشۇنداق ياخشى پائالىيەتلەرنى داۋاملىق پىلانلاپ، ئۆتكۈزۈپ تۇرىمىز.

.

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • بارلۇق تاغلىق رايونىدىكى ئېگىز تاغ يايلىقى باش يازنى كۈتۈۋالدى
  • گۈزەل نارات يايلىقى
  • «نامراتلارنى يۆلەش سېخى» نامراتلىقتىن قۇتۇلۇشقا ياردەم بەردى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى