ئىگىلىنىشىچە، تويوتانىڭ 2018-يىللىق «خەنلەندا» ئاپتوموبىلى يېقىندا رەسمىي بازارغا سېلىنغان بولۇپ، بۇ ئاپتوموبىلغا 2.0T موتور سەپلەنگەن. «گۇاڭچى» تويوتا ئاپتوموبىل مەسئۇلىيەت چەكلىك شىركىتى بۇ ئاپتوموبىلنىڭ جەمئىي سەككىز خىل نۇسخىسىنى بازارغا سالغان بولۇپ، بۇ ئاپتوموبىللارنىڭ سېتىلىش باھاسى 239 مىڭ 800 يۈەندىن 330 مىڭ 800 يۈەنگىچە ئىكەن. بۇ ئاپتوموبىلنى 2017-يىللىق «خەنلەندا» ئاپتوموبىل تىپىغا سېلىشتۇرغاندا، «گۇاڭچى» تويوتا ئاپتوموبىل مەسئۇلىيەت چەكلىك شىركىتى ئەسلىدىكى 3.5L موتورلۇق ئاپتوموبىل تىپىنى ئەمەلدىن قالدۇرۇپ، ئاپتوموبىل ئالدىغا يېڭى لايىھەلەش قوللىنىپ، ئاپتوموبىل ئىقتىدارىنى تېخىمۇ يۇقىرى كۆتۈرگەن.
