تىيانشان تورى   ›   خەۋەر مەركىزى   ›   ئۈرۈمچى

«مىللەتلەر ئىتتىپاقلىشىپ بىر ئائىلە كىشىلىرىدەك بولۇش» پائالىيىتى خەلقنىڭ قەلبىنى ئىللىتتى

  ئۆز خەۋىرىمىز: 3-ئاينىڭ 11- كۈنى، ئۈرۈمچى داۋانچىڭ رايونلۇق پارتكوم تەشكىلات بۆلۈمى (ئىشچىلار ئۇيۇشمىسى ، كوممۇنىستىك ياشلار ئىتتىپاقى ، ئاياللار بىرلەشمىسى ) پارتىيە ياچېيكىسىنىڭ داۋانچىڭ بازىرى قىزىل تۇمشۇق كەنتىدە تۇرۇشلۇق خىزمەت ئەترىتى كەنت «ئىككى كومىتېتى» بىلەن قىزىل تۇمشۇق كەنت كومىتېتى مەيدانىدا «ئەسلى مەقسەتنى ئۇنتۇماي پارتىيەگە ئەگىشىپ مېڭىش . مىللەتلەر ئىتتىپاقلىشىپ بىر ئائىلە كىشىلىرىدەك بولۇش» باش تېمىسىدىكى يۈرۈشلۈك ئەلگە نەپ يەتكۈزۈش پائالىيىتىنى قانات يايدۇردى.

  كەنت ئاھالىلىرى ئورۇندىغان «ياخشى كۈنلەر» دېگەن ناخشا بىلەن ئەدەبىيات-سەنئەت پائالىيىتى رەسمىي باشلاندى. پائالىيەتتە، «بېيجىڭدىكى ئالتۇن تاغ»، «ئۇلۇغ جۇڭگو»، «قارا يورغا» قاتارلىق 13 ناخشا-ئۇسسۇل نومۇرلىرى ئورۇندالدى. ئەدەبىيات-سەنئەت پائالىيىتى داۋامىدا، پارتىيە 19-قۇرۇلتىيى ۋە «مىللەتلەر ئىتتىپاقلىشىپ بىر ئائىلە كىشىلىرىدەك بولۇش» پائالىيىتىگە مۇناسىۋەتلىك مۇكاپاتلىق سوئال-جاۋاب پائالىيىتى ئۆتكۈزۈلۈپ، مەيداندىكى 300 دىن ئارتۇق تاماشىبىن بەس-بەستە سوئاللارغا جاۋاب بەردى. مەيداندىن كۈلكە ۋە چاۋاك سادالىرى ئۈزۈلمىدى.

  ئويۇندىن كېيىن، كەنت «ئىككى كومىتېتى» ۋە خىزمەت ئەترىتىنىڭ تەكلىپى بىلەن داۋانچىڭ رايونلۇق خەلق دوختۇرخانىسىنىڭ مۇتەخەسسىسلەر گۇرۇپپىسى قىزىل تۇمشۇق كەنتىدىكى 100دىن ئارتۇق ئادەمنىڭ سالامەتلىكىنى ھەقسىز تەكشۈرۈپ قويدى ۋە كېسەللىكلەرگە قارىتا ھەقسىز دورا تارقىتىپ، كېسەللىكلەرنىڭ ئالدىنى ئېلىش ۋە داۋالاش توغرىسىدا سورالغان مەسلىھەتلەرگە ئەستايىدىل جاۋاب بەردى.

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • يېڭىسارنىڭ تونۇر كاۋىپى
  • ئۈرۈمچى شەھىرى تىيانشان چوڭ جىلغىسى ساياھەت مەخسۇس لىنىيەسىنى ئاچتى
  • سايرام كۆلىنىڭ قىش مەنزىرىسى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى