باركۆل ناھىيەسىدىكى كەنتتە تۇرۇشلۇق خىزمەت ئەترىتى، كەنت ئاھالىلىرىنىڭ ئىشقا ئورۇنلىشىشىنى ئىلگىرى سۈرۈپ، كىرىمىنى ئاشۇرۇشقا تۈرتكە بولدى

  ئۆز خەۋىرىمىز: ئىگىلىنىشىچە، قومۇل شەھەرلىك خەلق ئىشلىرى ئىدارىسى، شەھەرلىك ياشانغانلار خىزمىتى كومىتېتى ئىشخانىسىنىڭ باركۆل ناھىيەسى شيالوبا يېزىسى شيالوبا كەنتىدە تۇرۇشلۇق « ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش » بويىچە كەنتتە تۇرۇشلۇق خىزمەت ئەترىتى بۇ كەنتكە كەلگەندىن بۇيان، كەنتتە تۇرۇشلۇق خىزمەت ئەترىتى نامراتلارنى يۆلەش تۈر قۇرۇلۇشى ئارقىلىق كەنت ئاھالىلىرىنى ئىشقا ئورۇنلاشتۇرۇپ، كىرىمنى ئاشۇرۇشنى ئىلگىرى سۈرۈشنى بۆسۈش ئېغىزى قىلدى. شەھەرلىك خەلق ئىشلىرى ئىدارىسى ۋە باشقا ياردەم بېرىدىغان ئورۇنلار تۈرلۈك يوللار ئارقىلىق 3 مىليون 700 مىڭ يۈەنگە يېقىن مەبلەغ ھەل قىلىپ، تىرىك مال سودا بازىرى، قازاق مىللىتىنىڭ ئۆزگىچە يېمەكلىك پىششىقلاپ ئىشلەش زاۋۇتى، مىللىي كەشتىچىلىك ھەمكارلىق كوپىراتىپى، ياشانغانلارنىڭ ھالىدىن خەۋەر ئېلىش مەركىزى، كەنت ئاھالىلىرى پائالىيەت مەركىزىدىن ئىبارەت بەش نامراتلارنى يۆلەش قۇرۇلۇش تۈرىنى يولغا قويۇپ، شۇ جايدىكى قىيىنچىلىقى بار ئائىلىلەردىكى 50 دىن ئارتۇق ئادەمنىڭ ئىشقا ئورۇنلىشىش مەسىلىسىنى ھەل قىلدى.