تەڭرىتاغ تورى   ›   خەۋەر مەركىزى   ›   شىنجاڭ

شىنجاڭ ئاياللار ۋاسكېتبول كوماندىسى يېڭى مۇسابىقە پەسلىگە قەدەم قويدى

   ئۆز خەۋىرىمىز: 9-نويابىر شىنجاڭ ئاياللار ۋاسكېتبول كوماندىسى ئەزالىرى 2017\2018-پەسىللىك جۇڭگو ئاياللار ۋاسكېتبول كەسپىي بىرلەشمە مۇسابىقىسىىگە قەدەم قويدى. ئۇلار بۈگۈن (13-نويابىر) جياڭسۇ ئاياللار كوماندىسى بىلەن مۇسابىقىلىشىدۇ.
  9-نويابىر، «يېڭى مۇسابىقە پەسلى، يېڭى نىشان، يېڭى ئۈمىد 2017\2018-يىللىق جۇڭگو ئاياللار ۋاسكېتبول بىرلەشمە مۇسابىقىسى شىنجاڭ ئاياللار ۋاسكېتبول كوماندىسىنىڭ نامىنى ئىشلىتىش توختامىغا ئىمزا قويۇش ۋە يېڭى مۇسابىقە پەسلىنىڭ باشلىنىش مۇراسىمى» شىنجاڭ تەنتەربىيە مەركىزىدە ئۆتكۈزۈلدى. مۇراسىمدا شىنجاڭ ئاياللار ۋاسكېتبول كوماندىسىنىڭ بۇ مۇسابىقە پەسلىدە «شىنجاڭ تەنتەربىيە لاتارىيەسى كوماندىسى» دېگەن نامنى ئىشلىتىدىغانلىقى ئېلان قىلىندى.
  بۇ شىنجاڭ ئاياللار كوماندىسىنىڭ 2015-يىلدىن بۇيان ئۈچىنچى قېتىم WCBA بىرلەشمە مۇسابىقىسىگە قاتنىشىشى بولۇپ، 2015\2016- ۋە 2016\2017-مۇسابىقە پەسلىدە شىنجاڭ ئاياللار كوماندىسى ئىككىنچى، ئۈچىنچى بولغانىدى.
  ئاپتونوم رايونلۇق تەنتەربىيە ئىدارىسى پارتگۇرۇپپىسىنىڭ مۇئاۋىن شۇجىسى، ئىدارە باشلىقى زۇنۇن كېرەم شىنجاڭ ئاياللار ۋاسكېتبول كوماندىسىدىن زور ئۈمىد كۈتىدىغانلىقىنى بىلدۈردى.

مەسئۇل مۇھەررىر : راھىلە ئېزىز

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • «ئەسلىي مەقسەتنى ئۇنتۇماي، بۇرچنى ئېسىمىزدە مەڭگۈ ساقلايلى» باش تېمىسىدىكى گۈزەل سەنئەت، ھۆسىنخەت ئەسەرلىرى كۆرگەزمىسى ئۆتكۈزۈلدى
  • گۈزەل سەيلىگاھ قۇمقاناس
  • ھەر مىللەت ئاھالە ئەمەلىي ھەرىكىتى ئارقىلىق مىللەتلەر ئىتتىپاقلىقى ئاكتىپ ئېنېرگىيەسىنى مۇجەسسەملىدى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى