شەخسلەر تاپاۋەت بېجى، نەتىجە سۈرۈشتۈرۈش، خادىم قوبۇل قىلىش ... بۇ ھەپتىكى ئەسكەرتمىلەرگە دىققەت قىلىڭ

ئەسكەرتمە: 2024 - يىللىق ئاسپىراتلىق ئىمتىھانى دەسلەپكى ئىمتىھانىنىڭ نەتىجىسى سۈرۈشتۈرۈڭ

   ئاپتونوم رايوننىڭ 2024 - يىللىق مەملىكەتلىك ماگىستىر ئاسپىرانت قوبۇل قىلىش ئىمتىھانىغا قاتناشقان ئوقۇغۇچىلارنىڭ دەسلەپكى ئىمتىھان نەتىجىسى 2 - ئاينىڭ 26 - كۈنى سائەت 17دە ئېلان قىلىنىدۇ، ئاپتونوم رايونىمىزنىڭ ئوقۇغۇچى قوبۇل قىلىش ئورۇنلىرىغا تىزىملاتقان ئوقۇغۇچىلار شىنجاڭ مائارىپ ئىمتىھان ئورنىنىڭ ھۆكۈمەت تور بېكىتى (www.xjzk.gov.cn)گە چىقىپ، «ئاممىۋى مۇلازىمەت زالى(公众服务大厅)» سەھىپىسىدە «نەتىجە تەكشۈرۈش(成绩查询)» - «ئاسپىرانت قوبۇل قىلىش ئىمتىھان نەتىجىسىنى تەكشۈرۈش(研究生招生考试成绩查询)»نى چېكىپ، كىملىك نومۇرى ۋە ئىمتىھان بەرگۈچىنىڭ نومۇرىنى توغرا كىرگۈزۈپ نەتىجىسىنى سۈرۈشتۈرسە بولىدۇ. تېخىمۇ كۆپ تەپسىلىي مەزمۇن بۇ يەردە >>> 

ئەسكەرتمە: شەخسلەر تاپاۋەت بېجىنى يىللىق جەملەپ ھېسابلاش پات ئارىدا باشلىنىدۇ

   يىلدا بىر قېتىم ئېلىپ بېرىلىدىغان شەخسلەر تاپاۋەت بېجىدە ئۇنىۋېرسال تاپاۋەتنى يىللىق جەملەپ ھېسابلاش پات ئارىدا ئۆز قەرەلىدە باشلىنىدۇ. دۆلەت باج باش ئىدارىسى يېقىندا 2023-يىللىق شەخسلەر تاپاۋەت بېجىدە ئۇنىۋېرسال تاپاۋەتنى جەملەپ ھېسابلاش ئىشلىرىنى بېجىرىش توغرىسىدىكى ئۇقتۇرۇشنى ئېلان قىلىپ، ئالاقىدار بېجىرىش ئىشلىرىنى ئايدىڭلاشتۇردى. 

   ئۇقتۇرۇشتا مۇنۇلار ئايدىڭلاشتۇرۇلدى: 2023-يىللىق جەملەپ ھېسابلاش ۋاقتى 2024-يىلى 3-ئاينىڭ 1-كۈنىدىن 6-ئاينىڭ 30-كۈنىگىچە بولىدۇ. جۇڭگو چېگراسى ئىچىدە تۇرالغۇسى يوق باج تاپشۇرغۇچىلار 3-ئاينىڭ 1-كۈنىدىن بۇرۇن چېگرادىن ئايرىلسا، چېگرادىن ئايرىلىشتىن بۇرۇن بېجىرسە بولىدۇ؛ باج تارماقلىرى ئالدىن كېلىشىپ بېجىرىش مۇلازىمىتىنى يولغا قويدى، جەملەپ ھېسابلاشنىڭ دەسلەپكى مەزگىلى (3-ئاينىڭ 1-كۈنىدىن 3-ئاينىڭ 20-كۈنىگىچە)دە بېجىرىش ئېھتىياجى بار باج تاپشۇرغۇچىلار ئۆز ئەھۋالىغا ئاساسەن، 2-ئاينىڭ 21-كۈنىدىن كېيىن شەخسلەر تاپاۋەت بېجى APPسى ئارقىلىق يۇقىرىدا تىلغا ئېلىنغان ۋاقىت بۆلىكىدىكى خالىغان بىر كۈندە بېجىرىشنى ئالدىن كېلىشسە بولىدۇ. 3-ئاينىڭ 21-كۈنىدىن 6-ئاينىڭ 30-كۈنىگىچە، باج تاپشۇرغۇچىلار ئالدىن كېلىشمىسىمۇ، خالىغان ۋاقىتتا بېجىرسە بولىدۇ.  تېخىمۇ كۆپ تەپسىلىي مەزمۇن بۇ يەردە >>> 

ئەسكەرتمە: ئايروپىلان بېلىتى، ماشىنا بېلىتىنى 12306دىن سېتىۋالغىلى بولىدۇ

   پويىز بېلىتى سېتىۋېلىشتىن باشقا، يولۇچىلار تۆمۈريول 12306 APPسىدىن ئاپتوموبىل بېلىتى، ئايروپىلان بېلىتى قاتارلىقلارنى سېتىۋالالايدۇ. 12306 ئاۋىياتسىيە-تۆمۈريول بىرلەشمە تىرانسىپورت مۇلازىمىتى نۆۋەتتە نۇرغۇن ئاۋىياتسىيە شىركەتلىرىنىڭ ئايروپىلان بېلىتى سېتىشىغا ئۇلاندى، ئاۋىياتسىيە-تۆمۈريول بىرلەشمە تىرانسىپورتى پۈتۈن مەملىكەتتىكى 78 تۈگۈن شەھەر، 2000دىن ئارتۇق لىنىيەنى قاپلىدى. نۆۋەتتە، 12306 ئاپتوموبىل بېلىتى پۈتۈن مەملىكەتتىكى 2700دىن ئارتۇق ۋوگزالنى قاپلىدى. تۆمۈريول 12306 «تۆمۈريول-سۇ بىرلەشمە تىرانسپورتى» مۇلازىمىتىدە بىر قېتىم بېلەت سېتىۋالسىلا، پويىز، پاراخوت، ئاپتوبۇس ئارىسىدا يوچۇقسىز ئالماشقىلى بولىدۇ.

ئەسكەرتمە: تاشيول مۇلازىمەت رايونىغا يېڭىدىن 3000 توكلىغۇچ ئورنىتىلىدۇ

   يېقىندا، «2024 يىللىق تاشيول مۇلازىمەت رايونىنىڭ توكلىغۇچ ئۇل ئەسلىھە قۇرۇلۇشى خىزمىتىنى تېز ئالغا سىلجىتىش توغرىسىدىكى ئۇقتۇرۇش»ى تارقىتىلدى، بۇ يىل مەملىكەت بويىچە تاشيول مۇلازىمەت رايونىغا توكلىغۇچتىن 3000نى، توك قاچىلىغىلى بولىدىغان ئاپتوموبىل توختىتىش ئورنىدىن 5000نى كۆپەيتىپ، تاشيول بويىنىڭ توك قاچىلاش مۇلازىمىتىگە كاپالەتلىك قىلىش ئىقتىدارىنى داۋاملىق ئۆستۈرۈش پىلانلاندى. «ئۇقتۇرۇش»تا ھەرقايسى ئۆلكىلەرنىڭ قۇرۇلۇش ۋەزىپىسى ئايدىڭلاشتۇرۇلۇپ، ھەرقايسى ئۆلكە دەرىجىلىك قاتناش تىرانسپورت مەسئۇل تارماقلىرىدىن يۈكسەك ئەھمىيەت بېرىپ، يولغا قويۇش لايىھەسىنى تۈزۈپ، ۋەزىپە، تەدبىرلەرنى ئىنچىكىلەشتۈرۈپ، ۋاقىت نۇقتىسىنى ئايدىڭلاشتۇرۇپ، قۇرۇلۇش ۋەزىپىسىنى ئۆز قەرەلىدە تاماملاشقا كاپالەتلىك قىلىش تەلەپ قىلىندى.

   بۇ يىلنىڭ ئاخىرىغىچە، ئېگىز، سوغۇق، دېڭىز يۈزىدىن ئېگىز رايونلاردىن باشقا رايونلاردىكى يۇقىرى سۈرئەتلىك يول مۇلازىمەت رايونلىرىنىڭ توكلىغۇچ بىلەن قاپلىنىش نىسبىتى %100كە يەتكۈزۈلىدۇ؛ يۇقىرى سۈرئەتلىك يول مۇلازىمەت رايونلىرىدا يېڭىدىن قۇرۇلىدىغان ۋە كېڭەيتىپ قۇرۇلىدىغان توك قاچىلاش ئۇل ئەسلىھەلىرى ئاساسىي گەۋدە قۇرۇلۇشى بىلەن ماس قەدەمدە لايىھەلىنىشى، ماس قەدەمدە قۇرۇلۇشى، ماس قەدەمدە تەكشۈرۈپ ئۆتكۈزۈۋېلىنىپ ئىشقا كىرىشتۈرۈلۈشى ھەمدە شۇ جاينىڭ شارائىتىغا قاراپ ئىش كۆرۈپ، ئادەتتىكى دۆلەت، ئۆلكە غول لىنىيە يولى مۇلازىمەت رايونى (پونكىتى)نىڭ توك قاچىلاش ئۇل ئەسلىھەسى قۇرۇلۇشىنى ئىلگىرى سۈرۈش كېرەك.   تېخىمۇ كۆپ تەپسىلىي مەزمۇن بۇ يەردە >>> 

2024- يىلىنىڭ ئالدىنقى يېرىمىدىكى شىنجاڭنىڭ ئوتتۇرا، باشلانغۇچ مەكتەپ ئوقۇتقۇچىلىق سالاھىيەت ئىمتىھانى ئېلىنىدۇ

 ئاپتونوم رايوننىڭ 2024- يىلىنىڭ ئالدىنقى يېرىمىدىكى ئوتتۇرا، باشلانغۇچ مەكتەپ ئوقۇتقۇچىلىق سالاھىيىتى ئىمتىھانى (يازما ئىمتىھان) 3- ئاينىڭ 9- كۈنى (شەنبە) ئېلىنىدۇ. بىرىنچى مەيدان ئىمتىھان ۋاقتى 3- ئاينىڭ 9- كۈنى چۈشتىن بۇرۇن سائەت 9:00دىن 11:00گىچە؛ ئىمتىھانغا قاتنىشىش كىنىشكىسىنى بېسىپ چىقىرىش ئىقتىدارى 3- ئاينىڭ 4- كۈنى سائەت 10دا ئېچىۋېتىلىدۇ؛ ئىمتىھان بەرگۈچىلەر 4- ئاينىڭ 12- كۈنىدىن باشلاپ ئوتتۇرا، باشلانغۇچ مەكتەپ ئوقۇتقۇچىلىق سالاھىيەت ئىمتىھانى تورى (/https://ntce.neea.edu.cn)غا چىقىپ يېزىقچە ئىمتىھان نەتىجىسىنى سۈرۈشتۈرسە بولىدۇ. تېخىمۇ كۆپ تەپسىلىي مەزمۇن بۇ يەردە>>>