ئاپتونوم رايونلۇق پارتىيە كومىتېتى تەشۋىقات بۆلۈمى پارتىيە تارىخىنى ئۆگىنىش تەربىيەسى سەپەرۋەرلىك يىغىنى ئاچتى
ئۆگىنىش تەربىيەسىنى پۇختا قانات يايدۇرۇپ، يېڭى تارىخىي سەھىپىنى داۋاملاشتۇرۇپ ياخشى پۈتۈش كېرەك
شىنجاڭ گېزىتى\ئانار بۇلۇت مۇخبىرى يۈەن لېي خەۋەر قىلىدۇ: 2 - ئاينىڭ 24 - كۈنى، ئاپتونوم رايونلۇق پارتىيە كومىتېتى تەشۋىقات بۆلۈمى پارتىيە تارىخىنى ئۆگىنىش تەربىيەسى سەپەرۋەرلىك يىغىنى ئاچتى، ئاپتونوم رايونلۇق پارتىيە كومىتېتى دائىمىي كومىتېتىنىڭ ئەزاسى، تەشۋىقات بۆلۈمىنىڭ بۆلۈم باشلىقى تيەن ۋېن يىغىنغا قاتناشتى ھەم سۆز قىلدى.
يىغىندا مۇنداق كۆرسىتىلدى: پارتىيە تارىخىنى ئۆگىنىش تەربىيەسىنىڭ ئۈچ «مۇقەررەر تەلىپى»نى چوڭقۇر چۈشىنىپ، پارتىيە تارىخىنى ئۆگىنىش تەربىيەسىنىڭ مۇھىم فۇنكسىيەلىك رولىنى تولۇق تونۇپ، ئىدىيەۋى تونۇش، سىياسىي يۈكسەكلىكنى ھەقىقىي ئۆستۈرۈپ، ئومۇمىي تەلەپنى ئومۇميۈزلۈك ئىزچىللاشتۇرۇپ، نىشان - ۋەزىپىلەرنى ئايدىڭلاشتۇرۇپ، پارتىيە تارىخىنى ئۆگىنىش تەربىيەسىنى پۇختا قانات يايدۇرۇپ، پارتىيەنىڭ نەزەرىيە نەتىجىلىرى ۋە ئىدىيە ئۇلۇغ كۈچى، پارتىيەنىڭ رەھبەرلىك ئورنى ۋە كۈچلۈك يادروسى، پارتىيەنىڭ شانلىق مۇساپىسى ۋە ئۇلۇغ تۆھپىسى، پارتىيەنىڭ خاراكتېرى، ئاساسىي مەقسىتى ۋە ئەسلىي مەقسىتى، بۇرچى، پارتىيەنىڭ ئىنقىلابىي روھى ۋە ئېسىل ئىستىلى، پارتىيەنىڭ تارىخىي تەجرىبىلىرى ۋە سىياسىي ئەۋزەللىكىنى چوڭقۇر ئۆزلەشتۈرۈپ، پارتىيە تارىخىنى ئۆگىنىپ، ئىدىيەنى ئۆزلەشتۈرۈپ، ئەمەلىي ئىش قىلىپ، يېڭى ۋەزىيەت يارىتىپ، يېڭى تارىخىي سەھىپىنى داۋاملاشتۇرۇپ ياخشى پۈتۈش كېرەك.
يىغىندا مۇنداق كۆرسىتىلدى: پارتىيە تارىخىنى ئۆگىنىش تەربىيەسىنى يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنى تولۇق، دەل جايىدا ئىزچىللاشتۇرۇش بىلەن زىچ بىرلەشتۈرۈپ، ئىدېئولوگىيە ساھەسىدىكى بۆلگۈنچىلىككە قارشى تۇرۇش كۈرىشى بىلەن زىچ بىرلەشتۈرۈپ، ئورگان كادىرلىرى قوشۇنى قۇرۇلۇشى بىلەن زىچ بىرلەشتۈرۈپ، «مەن ئامما ئۈچۈن ئەمەلىي ئىش قىلىپ بېرىمەن» ئەمەلىيەت پائالىيىتى بىلەن زىچ بىرلەشتۈرۈپ، شەكىل، ئۇسۇلدا يېڭىلىق يارىتىپ، تەشكىلىي رەھبەرلىكنى كۈچەيتىپ، رەھبەرلەر يېتەكلەپ ئۆگىنىش، شەخسلەر ئۆزلۈكىدىن ئۆگىنىش، كوللېكتىپ تەتقىق قىلىپ ئۆگىنىش، ئورگان باھالاپ ئۆگىنىش، ئەمەلىيەت داۋامىدا تەكشۈرۈپ ئۆگىنىشنى ئۆزئارا بىرلەشتۈرۈشكە ئەھمىيەت بېرىپ، خىزمەتلەرنى ئەمەلىيلەشتۈرۈشنى چىڭ تۇتۇپ، پارتىيە تارىخىنى ئۆگىنىش تەربىيەسىدە ئەمەلىي ئۈنۈمنى قولغا كەلتۈرۈشكە ھەقىقىي كاپالەتلىك قىلىپ، تەشۋىقات - ئىدىيە خىزمىتىدە تىرىشىپ يېڭى ۋەزىيەت يارىتىپ، كۆتۈرەڭگۈ قىياپەتتە يېڭى دەۋردە تۆھپە يارىتىپ، جاسارەت بىلەن يېڭى مۇساپىگە ئاتلىنىپ، ئەلا نەتىجىلەر بىلەن جۇڭگو كوممۇنىستىك پارتىيەسى قۇرۇلغانلىقىنىڭ 100 يىللىقىنى كۈتۈۋېلىش ۋە تەبرىكلەش كېرەك.
