باھار بايرىمى ئۆتۈپ كېتىشى بىلەنلا، ئاتۇش شەھىرى ئازاق بازىرى قۇمساق كەنتىدىكى پارنىكلاردا ھاياتىي كۈچكە تولغان مەنزىرە بارلىققا كەلدى. 2-ئاينىڭ 6-كۈنى، قۇمساق كەنتىدىكى پارنىكتا، كەنت ئاھالىلىرى مايسا يېتىشتۈرۈش تەخسىلىرىنى ئېلىش، قاچىلاش، ئۇرۇق سېلىش، تەخسىلەرنى تىزىش بىلەن ئالدىراش بولۇپ كەتتى. (ئىختىيارىي مۇخبىر ياڭ لىن)
بۇ كەنت بۇ يىل 2 مىليون 500 مىڭ تۈپتىن ئارتۇق كۆچەت يېتىشتۈرۈشنى پىلانلىدى، بۇ، كۆپ خىل گۈل-گىياھ، كۆكتات مايسىلىرىنى ئۆز ئىچىگە ئالىدۇ. بۇ مايسىلار شۇ جايدىكى دېھقانلارنىڭ ئېھتىياجىنى قاندۇرۇپلا قالماي، يەنە ئەتراپتىكى ناھىيە، شەھەرلەرگىمۇ سېتىلىدۇ.
يېقىنقى يىللاردىن بۇيان، بۇ كەنت پارنىكتا مايسا يېتىشتۈرۈش كەسپىنى زور كۈچ بىلەن تەرەققىي قىلدۇرۇپ، «بازا + دېھقان ئائىلىسى + تېخنىكا مۇلازىمىتى» ئەندىزىسى ئارقىلىق، كەنت ئاھالىلىرىنىڭ ئىشىكى ئالدىدا ئىشقا ئورۇنلىشىپ كىرىمىنى ئاشۇرۇشىنى ئىلگىرى سۈردى.
«ئانار بۇلۇت»تىن ئېلىپ تەرجىمە قىلىندى
