تىيانشان تورى خەۋىرى (مۇخبىر گو لىڭ): 2020-يىلى، شىنجاڭ پۈتۈن بىر يىلدا قاتناش-تىرانسپورت تۇراقلىق مۈلكىگە 54 مىليارد 393 مىليون يۈەن مەبلەغ سېلىپ، يىللىق نىشان-ۋەزىپىنى ئاشۇرۇپ ئورۇندىدى، شىنجاڭنىڭ تاشيول يول تورى ئومۇمىي مۇساپىسى 200 مىڭ كىلومېتىردىن، يۇقىرى سۈرئەتلىك تاشيول 5500 كىلومېتىردىن ئېشىپ، بارلىق ۋىلايەت، ئوبلاست، شەھەرلەر يۇقىرى سۈرئەتلىك تاشيول دەۋرىگە قەدەم قويۇش ئاساسىدا، «ناھىيەلەرگە 2-دەرىجىلىك تاشيول تۇتاشتۇرۇش» ئىشقا ئاشۇرۇلدى.
بۇنىڭدىن باشقا، تۈگۈن مەركىزى قۇرۇلۇشى تېزلىتىلىپ، يېڭىدىن 1-دەرىجىلىك يولۇچىلار بېكىتىدىن ئۈچى، 2-دەرىجىلىك يولۇچىلار بېكىتىدىن ئىككىسى قۇرۇلدى، كورلا ۋوگزالى ئۇنىۋېرسال قاتناش تۈگۈنى پۈتتى ۋە ئىشقا كىرىشتۈرۈلدى، ئۈرۈمچى ئاۋىياتسىيەسى ئەشيا ئوبوروت باغچىسى، جۇڭگو-شىنجاڭ ئەشيا ئوبوروتى يۈك تىرانسپورت ئوبوروت بازىسى قۇرۇلۇشى تېزلىتىلدى، دۆلەت دەرىجىلىك بەش باغچە رايونى ۋە ئەشيا ئوبوروت تۈگۈنىدىكى تاشيوللارنى تۇتاشتۇرۇش سەۋىيەسى ئومۇميۈزلۈك ئۆستۈرۈلۈپ، جۇڭگو-پاكىستان ئىقتىساد كارىدورىدىكى سەككىز پورت تاشيولىنىڭ قاتناش شارائىتى ئۈزلۈكسىز ياخشىلىنىپ، يىپەك يولى ئىقتىساد بەلبېغى يادرولۇق رايونى قۇرۇلۇشىغا كۈچلۈك تىرەك بولدى.
