تىيانشان تورى خەۋىرى (مۇخبىر لى لىن): شىنجاڭنىڭ «قوش مەركەزلىك» ۋەزىپىسى ئومۇميۈزلۈك تاماملاندى، «بەشتە كاپالەتلىك» ياشانغانلار ۋە يېتىم بالىلارنى مەركەزلىك (يىغىپ) بېقىش نىسبىتىنى %100كە يەتكۈزۈش نىشانى ئوڭۇشلۇق ئەمەلگە ئاشتى. بۇنى مۇخبىر 11-ئاينىڭ 11-كۈنى ئېچىلغان ئاپتونوم رايونلۇق خەلق ئىشلىرى خىزمىتى يىغىنىدىن ئىگىلىگەن.
ئاپتونوم رايونلۇق خەلق ھۆكۈمىتى 2017-يىلىنىڭ بېشىدا «<بەشتە كاپالەتلىك> ياشانغانلارنى مەركەزلىك بېقىش ۋە يېتىم بالىلارنى مەركەزلىك يىغىپ بېقىش تۈزۈمىنى ئومۇميۈزلۈك ئورنىتىش توغرىسىدىكى يولغا قويۇش پىكرى»نى ئوتتۇرىغا قويۇپ، 2020-يىلىنىڭ ئاخىرىغىچە، ئاپتونوم رايونىمىز دائىرىسىدە «مەركەزلىك بېقىلىدىغان <بەشتە كاپالەتلىك> ياشانغانلارنى مەركەزلىك بېقىش نىسبىتىنى %100كە يەتكۈزۈش؛ يېتىم بالىلارنى مەركەزلىك يىغىپ بېقىش نىسبىتىنى %100كە يەتكۈزۈش»تىن ئىبارەت خەلق تۇرمۇشىغا كاپالەتلىك قىلىش ئەندىزىسى (قىسقارتىلىپ «قوش مەركەزلىك» دېيىلىدۇ) نى ئىشقا ئاشۇرىدۇ.
نۆۋەتتە، ھازىر ئاپتونوم رايون بويىچە شەھەر-يېزىلاردىكى ئالاھىدە قىيىنچىلىقى بار 18 مىڭ 153 كىشى مەركەزلىك بېقىلىپ، ئومۇمىي ساننىڭ %80ىنى ئىگىلىدى، «قوش مەركەزلىك» ۋەزىپىسى ئۆز قەرەلىدە ئورۇندىلىپ، قىيىنچىلىقى بار ئامما ئارىسىدىكى «ياشانغانلار، كىچىكلەر» مەسىلىسى ئۈنۈملۈك ھەل قىلىندى.
