شىنجاڭ گېزىتى خەۋىرى (مۇخبىر شى شىن، پىراكتىكانت جاڭ بىنبىن خەۋىرى): ھازىر، ئاقسۇ «بىڭتاڭشىن» ئالمىسىدىن كەڭ كۆلەمدە مول ھوسۇل ئېلىندى. ئېلېكتىرونلۇق سودا پىڭدودو «يېزا ئىگىلىك ماللىرىنى جۈپلەش» يېڭى ئەندىزىسىنىڭ ياردىمىدە، تېخىمۇ كۆپ «بىڭتاڭشىن» ئىستېمالچىلارغا بىۋاسىتە يەتكۈزۈش شەكلىدە پۈتۈن مەملىكەتنىڭ ھەرقايسى جايلىرىغا تېز سېتىلدى.
11-ئاينىڭ 5-كۈنى، شيەنشىخۈەن يېڭى مېۋە-چېۋە بايراقدار دۇكىنىنىڭ خوجايىنى لى چېڭجۈن بىلەن ھەسەنجان ئەخمەت ئىككىيلەن ئاقسۇ شەھىرىنىڭ ھەرقايسى باغلىرىدا چېپىپ يۈرۈپ، ئالما سېتىۋېلىش ئىشلىرى بىلەن ئالدىراش بولدى. ئىككىيلەن بىرلىشىپ ئاچقان دۇكان پىڭدودو ئاقسۇ «بىڭتاڭشىن» ئالمىسىنىڭ سېتىلىش مىقدارى تىزىملىكىدە ئالدىنقى قاتاردا تۇرۇپ، 11-ئاينىڭ 5-كۈنىگىچە سېتىلىش سوممىسى 18 مىليون يۈەندىن ئاشتى.
پىڭدودو يەنە ئاقسۇ «بىڭتاڭشىن» ئالمىسىنى «10 مىليارد يۈەنلىك تولۇقلىما» تاۋار قىلىپ تەسىس قىلىپ، ئىستېمالچىلارغا بىۋاسىتە تولۇقلىما بېرىش ئۇسۇلى ئارقىلىق، ئىستېمال شەرتىنى تۆۋەنلىتىپ، ئۇلارنىڭ تېخىمۇ كەڭ بازار ئېچىشىغا ياردەم بەردى. بۇ يىل 6 ـ ئايدىن بۇيان، كورلا نەشپۈتى، كۇچا ئاق ئۆرۈكى، بىڭتۇەن كىچىك قىزىل ئۆرۈكى، قەشقەر شىنمېيسى قاتارلىق شىنجاڭنىڭ ئەلا سۈپەتلىك يېزا ئىگىلىك مەھسۇلاتلىرى ئىلگىرى ـ كېيىن بولۇپ پىڭدودونىڭ «10 مىليارد يۈەنلىك تولۇقلىما» دائىرىسىگە كىرگۈزۈلدى.
