تىيانشان تورى خەۋىرى (مۇخبىرلىرىمىز كاڭ خاۋيەن، جاڭ ۋەندې، يىن تۇڭيۈەن، سۇبات ئەسقەر فوتوسى، خەۋىرى): 11-ئاينىڭ 3-كۈنى كەچتە، ئاپتونوم رايونلۇق ھۆكۈمەت ئاخبارات ئىشخانىسى 8-مەيدان ئاخبارات ئېلان قىلىش يىغىنى ئۆتكۈزۈپ، كوناشەھەر ناھىيەسى، ئاقتۇ ناھىيەسىدىكى يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمى ۋە يۇقۇمنىڭ ئالدىنى ئېلىش-تىزگىنلەش خىزمىتىنىڭ ئەڭ يېڭى ئەھۋالىنى ئومۇمىي ئۇقتۇرۇش قىلدى ھەم مۇخبىرلارنىڭ سوئالىغا جاۋاب بەردى.
ئاخبارات ئېلان قىلىش يىغىنىدا، قەشقەر ۋىلايەتلىك مەمۇرىي مەھكىمىنىڭ مۇئاۋىن باش كاتىپى ئەسەت ئۇرايىم مۇخبىرنىڭ يۇقۇمنىڭ ئالدىنى ئېلىش-تىزگىنلەش مەزگىلىدە قەشقەر ۋىلايىتىنىڭ قىيىنچىلىقى بار ئاممىنىڭ ئاساسىي تۇرمۇش كاپالىتىنى قانداق ياخشى ئىشلىگەنلىكى توغرىسىدىكى سوئالىغا جاۋاب بەردى.
ئەسەت ئۇرايىم تونۇشتۇرۇپ مۇنداق دېدى: ياردەم بېرىش-يۆلەش، قۇتقۇزۇش-ياردەم بېرىش قاراتمىلىق قانات يايدۇرۇلدى. تۆۋەن كاپالەتلىك ئائىلىلەرگە ئىككى ئايلىق تۆۋەن كاپالەت پۇلى مۇددەتتىن بۇرۇن تارقىتىلدى، 11-ئاينىڭ 5-كۈنى تولۇق تارقىتىلىپ بولىدۇ؛ ئالاھىدە قىيىنچىلىقى بار بېقىلىدىغان ئوبيېكىت قاتارلىقلارغا مەبلەغ ياردىمى بېرىشنى يولغا قويۇپ، شەھەر-يېزىلاردىكى تۆۋەن كاپالەت بېكىتىش شەرتىگە ئۇيغۇن كېلىدىغان قىيىنچىلىقى بار ئائىلىلەرگە ئاۋۋال قۇتقۇزۇش-ياردەم بېرىش، ئاندىن تەكشۈرۈپ تەستىقلاشنى يولغا قويدى؛ ئىگە-چاقىسىز ياشانغانلار ۋە ھەرىكىتى قولايسىز مېيىپلەرگە قارىتا، كەنت(مەھەللە) كادىرلىرىنى «بىرگە بىر» ياردەم بېرىش-يۆلەشكە تەشكىللەپ، تۇرمۇشىدىن خەۋەر ئېلىش، نەرسە-كېرەكلەرنى ۋاكالىتەن سېتىۋېلىش، ئەخلەتلىرىنى توشۇش قاتارلىق مۇلازىمەتلەر بىلەن تەمىنلىدى؛ يۇقۇمنىڭ ئالدىنى ئېلىش-تىزگىنلەش مەزگىلىدە، يۇقۇمنىڭ تەسىرى تۈپەيلىدىن سىرتقا چىقىپ ئىشلىيەلمەيدىغان، تۇرمۇش مەنبەسى يوق شەھەر-بازار نوپۇسىدىكى ئائىلىلەر ۋاقتىنچە تۆۋەن كاپالەت دائىرىسىگە كىرگۈزۈلۈپ، ھەر بىر كىشىگە ئايدا 450 يۈەن ئۆلچەم بويىچە قۇتقۇزۇش-ياردەم بېرىش ئېلىپ بېرىلدى.
