
شىنخۇا تورى خەۋىرى: يېقىنقى يىللاردىن بۇيان، شىنجاڭ خوتەن ۋىلايىتى قاراقاش ناھىيەسى كەسىپلەرنى تەرەققىي قىلدۇرۇشنى نامراتلىقتىن قۇتۇلدۇرۇشنى ئىشقا ئاشۇرۇشتىكى تۈپ تەدبىر قىلىپ، نامراتلارنى يۆلەش كەسىپلىرىدىكى باشلامچى كارخانىلارنى پائال كىرگۈزۈپ ۋە يېتىشتۈرۈپ، دېھقانلارنىڭ كىرىمىنى ئاشۇرۇش يولىنى كېڭەيتتى. 2019-يىلى 4-ئايدا، قاراقاش ناھىيەسى يېزا ئىگىلىكىنى كەسىپلەشتۈرۈشتىكى باشلامچى كارخانا شىنجاڭ مېيبىتې گۇرۇھ چەكلىك شىركىتىنى كىرگۈزدى. بۇ شىركەت «يېزىدا باقمىچىلىق بازىسى بولۇش، كەنتتە ھەمكارلىق كوپىراتىپى بولۇش، ئائىلىدە توخۇ كاتىكى بولۇش»تەك تەرەققىيات پىلانى بويىچە، تېخنىكا، چۈجە، يەم، يۇقۇمنىڭ ئالدىنى ئېلىش مۇلازىمىتى بىلەن تەمىنلەپ، شۇ جايدىكى ئارخىپ تۇرغۇزۇلۇپ كارتا بېجىرىلگەن نامرات ئائىلىلەرنىڭ باقمىچىلىقنى تەرەققىي قىلدۇرۇشى، ئۆز جايىدا، يېقىن ئەتراپتا ئىشقا ئورۇنلىشىشىغا تۈرتكە بولۇپ، نامرات ئاھالىلەرنىڭ كىرىمىنىڭ سىجىل ئېشىشىغا كاپالەتلىك قىلدى. ھازىرغىچە، كارخانىدا 6000غا يېقىن خادىم بار بولۇپ، بۇنىڭ ئىچىدە ئارخىپ تۇرغۇزۇلۇپ كارتا بېجىرىلگەن نامرات ئائىلىدىن 3000دىن ئارتۇق كىشى بار ئىكەن. (دىڭ لېي فوتوسى)




