تىيانشان تورى خەۋىرى(مۇخبىر ئايشەمگۈل ئابلا، ئىختىيارىي مۇخبىر لى خۇا خەۋىرى، فوتوسى): 10-ئاينىڭ 10-كۈنى، شىنجاڭ قومۇل دۆلەت دەرىجىلىك يېزا ئىگىلىك پەن-تېخنىكا باغچە رايونىدىكى 1000 مودىن ئارتۇق ئىنچىكە لازا يىغىش مەزگىلىگە كىردى، بىر نەچچە كومبايىن قىزىرىپ پىشقان لازا ئېتىزلىقىدا مەشغۇلات قىلىۋاتاتتى، تېرىقچىلىق ئائىلىلىرى يىغقان لازىلارنى «ئۆرۈپ» داۋاملىق ئاپتاپقا سېلىۋاتقان بولۇپ، ئېتىزلىقتا ئالدىراش مەنزىرە شەكىللەنگەنىدى.
ئىگىلىنىشىچە، بۇ يىل قومۇل دۆلەت دەرىجىلىك يېزا ئىگىلىك پەن-تېخنىكا باغچە رايونى ھۆكۈمەت يېتەكچى، ھەمكارلىق كوپىراتىپى باشلامچى بولۇش ئەندىزىسى ئارقىلىق، يېزا ئىگىلىك كەسىپ قۇرۇلمىسىنى تەڭشەپ، سۇ تېجەيدىغان، يۇقىرى ئۈنۈملۈك «زاكازلىق لازا»نى كىرگۈزۈپ، زاكازلىق تېرىش، ئىلمىي پەرۋىش قىلىش ئارقىلىق، شۇ جايدىكى دېھقانلارنىڭ كىرىمىنى ئاشۇرۇپ بېيىشىغا كۈچ قوشقان.
