قەشقەر قەدىمىي شەھىرى مەنزىرە رايونىدا، نامراتلىقتىن قۇتۇلدۇرۇش ئۆتكىلىگە ھۇجۇم قىلىش تېمىسىدىكى چاتما تېلېۋىزىيە تىياتىرى «گۈزەل يۇرت-ماكان»نىڭ ئارتىس، خىزمەتچىلىرى قەدىمىي شەھەرنىڭ شەرقىي دەرۋازىسىدا كۆرۈنۈش ئالماقتا(9-ئاينىڭ 20-كۈنى تارتىلغان).
شىنخۇا تورى خەۋىرى: ئالتۇن كۈز پەسلىدە، شىنجاڭدىكى داڭلىق ساياھەت مەنزىرە نۇقتىسى ___ قەشقەر قەدىمىي شەھىرى مەنزىرە رايونىدا ساياھەتچىلەر بارغانسىرى كۆپەيدى. 9-ئاينىڭ بېشىدا، شىنجاڭدا ئۆلكە، شەھەر ھالقىپ ساياھەت قىلىش ئومۇميۈزلۈك ئېچىۋېتىلگەندىن بۇيان، قەشقەر قەدىمىي شەھىرى مەنزىرە رايونىدا ساياھەتچىلىكنىڭ ئەسلىگە كېلىشى تېز بولدى.
2010-يىلى، جەمئىي 7 مىليارد يۈەندىن كۆپرەك مەبلەغ سېلىنغان قەشقەر قەدىمىي شەھىرىنى ئۆزگەرتىش قۇرۇلۇشى باشلانغان، «بىر ئائىلىگە بىر لايىھە» ۋە «ئەسلىي قىياپىتى بويىچە رېمونت قىلىش»تەك ئۆزگەرتىش ئاساسىي مەقسىتىنى ئەمەلىيلەشتۈرۈش ئاساسىدا، كونا شەھەر رايونىدىكى ئاھالىلەرنى زامانىۋى تۇرمۇشتىن بەھرىمەن قىلدۇرۇش بىلەن بىللە، يەنە ئەنئەنىۋى تۇرمۇش ئادىتى ساقلاپ قېلىنغان. قەدىمىي شەھەر مەنزىرە رايونىدا پۇقراۋى قونالغۇ ئائىلە زىيارىتى، قول ھۈنەر بۇيۇملىرىنى ياساش، خاس ئېسىل تائاملارنى تېتىپ كۆرۈش قاتارلىق بىر يۈرۈش تۈرلەر ئارقا-ئارقىدىن يولغا قويۇلۇپ، تېخىمۇ كۆپ ساياھەتچى قەدىمىي شەھەرنىڭ ئاۋاتلىقىنى ھېس قىلىشقا جەلپ قىلىنغان.(جاۋ گې فوتوسى)
