ئۈرۈمچى: نۇقتىلىق كارخانىلار تەدرىجىي ھالدا ئومۇميۈزلۈك ئىشلەپچىقىرىشنى ئەسلىگە كەلتۈردى

　　8-ئاينىڭ 31-كۈنى، گۇاڭچى ئاپتوموبىل گۇرۇھى شىنجاڭ شۆبە شىركىتىدە، خىزمەتچى خادىملار زاۋۇتتىن يېڭى چىققان ئاپتوموبىللارنى تەكشۈرمەكتە.

　　8-ئاينىڭ 31-كۈنى، ئۈرۈمچى ئىقتىساد-تېخنىكا تەرەققىيات رايونى (تۇدۇڭخابا رايونى)غا جايلاشقان گۇاڭچى يولۇچىلار ئاپتوموبىل گۇرۇھى شىنجاڭ شۆبە شىركىتى 7-ئاينىڭ 17-كۈنىدىن بۇيان تۇنجى تۈركۈمدە سەككىز ئاپتوموبىلنى سىرتقا سېتىشقا باشلىدى. 8-ئاينىڭ 29-كۈنىدىن بۇيان، ئۈرۈمچىدىكى بىر تۈركۈم نۇقتىلىق كارخانىلار تەدرىجىي ھالدا ئومۇميۈزلۈك ئىشلەپچىقىرىشنى ئەسلىگە كەلتۈردى.

　　شىنجاڭ ئۇيغۇر ئاپتونوم رايونلۇق يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمىنىڭ ئالدىنى ئېلىش-تىزگىنلەش خىزمىتى قوماندانلىق ئىشتابى تەتقىق قىلىپ مۇنۇلارنى قارار قىلدى: 8- ئاينىڭ 29-كۈنى سائەت نۆلدىن باشلاپ، ئۈرۈمچى شەھىرى تىيانشان رايونى، سايباغ رايونىنىڭ يۇقۇم خەۋپ-خەتەر دەرىجىسى يۇقىرى خەۋپ-خەتەردىن تۆۋەن خەۋپ-خەتەرگە تەڭشەلدى؛ ئۈرۈمچى ئىقتىساد-تېخنىكا تەرەققىيات رايونى (تۇدۇڭخابا رايونى)، يۇقىرى، يېڭى تېخنىكىلىق كەسىپلەر تەرەققىيات رايونى (يېڭىشەھەر رايونى)، شىمىگۇ رايونىنىڭ يۇقۇم خەۋپ-خەتەر دەرىجىسى ئوتتۇراھال خەۋپ-خەتەردىن تۆۋەن خەۋپ-خەتەرگە تەڭشەلدى.

　　ئاپتور: جاۋ گې

　　«学习强国» شىنجاڭ ئۆگىنىش سۇپىسىدىن تەرجىمە قىلىندى