8-ئاينىڭ 24-كۈنى سائەت 8دە، جەنۇبىي چىداۋەن يولىدا ئۈرۈمچى ئىسسىقلىق ئېنېرگىيە (گۇرۇھ)چەكلىك شىركىتى ئىسسىقلىق تارقىتىش ئىككىنچى شىركىتىنىڭ رېمونتچى خادىملىرى رېمونت قىلماقتا.
(سۈرەتنى زىيارەت قىلىنغۇچى تەمىنلىگەن)
ئۈرۈمچى كەچلىك گېزىتى خەۋىرى (مۇخبىر ۋاڭ يۈەنيۈەن خەۋەر قىلىدۇ): 8-ئاينىڭ 24-كۈنى سائەت 8دە، جەنۇبىي چىداۋەن يولى، سېرىق نۇر قايتۇرۇش كىيىمى كىيگەن خۇاڭ مېڭچاۋ بىخەتەرلىك تاسمىسىنى باغلىغاندىن كېيىن، خىزمەتداشلىرى بىلەن بىرلىكتە 30 نەچچە كىلوگىرام ئېغىرلىقتىكى قۇدۇق ئېغىزىنى كۆتۈرۈپ، ئىسسىقلىق تورىنى رېمونت قىلىش قۇدۇقىغا كىردى. بىرنەچچە مىنۇتتىلا خۇاڭ مېڭچاۋنىڭ پۈتۈن بەدىنى ھۆل بولۇپ كەتتى.
خۇاڭ مېڭچاۋ ئۈرۈمچى ئىسسىقلىق ئېنېرگىيە (گۇرۇھ)چەكلىك شىركىتى ئىسسىقلىق تارقىتىش ئىككىنچى شىركىتىنىڭ رېمونتچى خادىمى بولۇپ، يۇقۇمنىڭ ئالدىنى ئېلىش-تىزگىنلەش مەزگىلىدە ئىزچىل خىزمەت ئورنىدا تۇرۇپ كەلدى. ھازىر، بۇ يىللىق قىشلىق ئىسسىنىشقا يەنە بىر ئايدىن كۆپرەك ۋاقىت بار، ھەرقايسى پار بىلەن تەمىنلەش كارخانىلىرى يۇقۇمنىڭ ئالدىنى ئېلىش-تىزگىنلەش تەدبىرلىرىنى قاتتىق ئەمەلىيلەشتۈرۈش بىلەن بىللە، تەكشۈرۈش، رېمونت قىلىش، تېخنىكا ئۆزگەرتىش خىزمىتىنى پۈتۈن كۈچى بىلەن ياخشى ئىشلەپ، بۇ يىللىق قىشلىق پار بىلەن تەمىنلەش خىزمىتىگە ياخشى ئاساس سالدى.
