تىيانشان تورى خەۋىرى: يۇقۇم مەزگىلىدە، ھەر مىللەت ئاممىنىڭ مەنىۋى مەدەنىيەت تۇرمۇشىنى بېيىتىش ئۈچۈن، شىنجاڭدا رادىيو-تېلېۋىزىيە تورى ئارقىلىق خەلققە نەپ يەتكۈزۈش پائالىيىتى قانات يايدۇرۇلدى، 2020-يىلى 8-ئاينىڭ 21-كۈنىدىن باشلاپ، رادىيو-تېلېۋىزىيە سىملىق تېلېۋىزىيە قانال كۆپەيتكۈچ ئورنىتىلغان ئابۇنىچىلار(تور ھەققىنى تاپشۇرمىغان، قەرز بولۇپ توختىتىلغان ئابۇنىچىلارنىمۇ ئۆز ئىچىگە ئالىدۇ)نىڭ ھەممىسى سىملىق تېلېۋىزىيە ۋە كەڭ بەلباغ مۇلازىمىتىدىن ھەقسىز بەھرىمەن بولدى.
بۇ قېتىمقى ھەقسىز تارقىتىش شىنجاڭ رادىيو-تېلېۋىزىيە تورى چەكلىك شىركىتى تەمىنلىگەن بارلىق ئائىلە ئۇچۇر مۇلازىمەت مەزمۇنىنى ئۆز ئىچىگە ئالغان بولۇپ، مەركىزىي تېلېۋىزىيە ئىستانسىسى، شىنجاڭ ۋە پۈتۈن مەملىكەتتىكى ھەرقايسى تېلېۋىزىيە ئىستانسىلىرى بىۋاسىتە كۆرسىتىدىغان 251 يۈرۈش قانالنى، قايتۇرۇپ كۆرگىلى بولىدىغان 150 يۈرۈش قانالنى، ھەمتۈرتكىلىك تاللاپ قويۇلىدىغان 120 مىڭ سائەتلىك مەزمۇننى ئۆز ئىچىگە ئالىدۇ. بۇنىڭ ئىچىدە، تېلېۋىزىيە كىنو لىنىيەسى، مىللىي تىلدىكى نادىر ئەسەرلەر پىروگراممىسى، بالىلار پىروگراممىسى، ياشانغانلار پىروگراممىسى، توردا تەربىيەلەش، تېلېۋىزىيە كۇتۇپخانىسى قاتارلىق 28 سەرخىل رايون، يەنە 100 مېگادىن ئارتۇق ئېقىمدىكى ھەقسىز كەڭ بەلباغلىق تور بار.
ئىگىلىنىشىچە، بۇ قېتىمقى پائالىيەت پۈتۈن شىنجاڭدىكى مىليونلىغان ئائىلىگە نەپ يەتكۈزىدىكەن.
