«نۆۋەتتە، يېڭى بىر نۆۋەتلىك ئايال پىدائىيلار ‹پىسخىكا جەھەتتىن ياردەم بېرىش قىزىق لىنىيەسى› يەنە بىر قېتىم قوزغىلىپ، يۇقۇمنىڭ ئالدىنى ئېلىش-تىزگىنلەش خىزمىتىنى ياخشى ئىشلەشكە ماسلاشتى.» 8-ئاينىڭ 9-كۈنى، شىنجاڭ ئىشلەپچىقىرىش-قۇرۇلۇش بىڭتۇەنى 11-شى ئاياللار بىرلەشمىسىنىڭ رەئىسى ۋاڭ لى مۇنداق دېدى: «پۈتۈن شىدىكى ھەر دەرىجىلىك ئاياللار بىرلەشمىسى تەشكىلاتلىرى، كەڭ ئايال ئاچا-سىڭىللار ۋە تۈمەنلىگەن ئائىلە ھەرىكەتكە كېلىپ، ئاياللارنىڭ جەمئىيەت ۋە ئائىلە تۇرمۇشىدىكى ‹ئىككى ئۆزگىچە رولى›نى جارى قىلدۇرۇپ، ھەممە كىشى قاتنىشىپ، بىر نىيەتتە ھەمكارلىشىپ، يۇقۇمنىڭ ئالدىنى ئېلىش-تىزگىنلەش ئۈچۈن ئاياللارنىڭ كۈچىنى تەقدىم قىلىمىز» دېدى.
يېقىنقى كۈنلەردىن بۇيان، 11-شى ھەر دەرىجىلىك ئاياللار بىرلەشمىسى كادىرلىرى پائال ھەرىكەتكە كېلىپ، بەزىلىرى خىزمەت ئورنىنى چىڭ ساقلىدى، بەزىلىرى مەھەللە پىدائىيلىرى بولدى، بەزىلىرى ئورۇنلاشتۇرۇشقا بويسۇنۇپ ئائىلىدە ئىش بېجىردى، مەيلى قايسى ئورۇندا بولسۇن، ئۇلار ئۆز رولىنى تولۇق جارى قىلدۇرۇپ، 11-شى ئاياللار بىرلەشمىسىنىڭ بارلىق شى ئاياللىرىغا چىقارغان تەشەببۇسىغا ئاۋاز قوشۇپ، ئائىلىنى بىرلىك قىلىپ، يۇقۇمنىڭ ئالدىنى ئېلىش بىلىملىرىنى تەشەببۇسكارلىق بىلەن ئۆگىنىپ، يۇقۇم ئەھۋالىغا دىققەت قىلىپ، يۇقۇمنىڭ ئالدىنى ئېلىش-تىزگىنلەشتىكى تۈرلۈك خىزمەتلەرنى پۇختا، ياخشى ئىشلەپ، مىليونلىغان ئائىلىنىڭ يۇقۇمنىڭ ئالدىنى ئېلىش-تىزگىنلەش جېڭىدە قەتئىي غەلىبە قىلىشىغا تۈرتكە بولدى.
(سۇڭ شياۋلياڭ)
شىنجاڭ بىڭتۇەن ئۆگىنىش سۇپىسىدىن تەرجىمە قىلىندى
گۈلپىيە ئابلىز تەرجىمىسى
