يېقىنقى كۈنلەردىن بۇيان، شىنجاڭ ئىشلەپچىقىرىش-قۇرۇلۇش بىڭتۇەنى 14-شى سۇچىلىق قۇرۇلۇشىنى باشقۇرۇش مۇلازىمەت مەركىزى خىزمەت گۇرۇپپىسى ئەۋەتىپ، 14-شى 225-تۇەن سىرتىدىكى سۇچىلىق قۇرۇلۇشى تۈر بۆلۈمىگە چۈشۈپ، يۇقۇمنىڭ ئالدىنى ئېلىش-تىزگىنلەش تەدبىرلىرىنى قاتتىق ئەمەلىيلەشتۈرۈپ، 800دىن ئارتۇق قۇرۇلۇش خادىمىنىڭ تۇرمۇش ماددىي ئەشيا ئېھتىياجىغا ھەقىقىي كاپالەتلىك قىلدى.
خىزمەت گۇرۇپپىسى تەپسىلىي رەتكە تۇرغۇزۇپ، نۆۋەتچىلىك قىلىۋاتقان خىزمەتچى خادىملاردىن ئالدىنى ئېلىش-تىزگىنلەش تەدبىرلىرىنى سۈرۈشتۈرۈپ، خادىملارنى رەتكە تۇرغۇزۇپ تەكشۈرۈش، تىزىملاش جەدۋىلى، ئاشخانىنىڭ تازىلىق ئەھۋالى، ھاجەتخانىنىڭ تازىلىق ئەھۋالى قاتارلىقلارنى تەكشۈرۈپ، نۆۋەتتىكى يۇقۇمنىڭ ئالدىنى ئېلىش-تىزگىنلەش خىزمىتىدە ساقلانغان مەسىلىلەرنى تېپىپ چىقىپ، يوچۇقلارنى ۋاقتىدا تەكشۈرۈپ، تولۇقلاپ، 14-شى قۇرۇمقاش شەھىرى ۋە كېرىيە ناھىيەسى تەۋەلىكىنى باشقۇرۇش تەلىپىگە قاتتىق ئەمەل قىلىپ، يۇقۇمنىڭ ئالدىنى ئېلىش-تىزگىنلەشتىكى تۈرلۈك خىزمەتلەرنى ھەقىقىي ياخشى ئىشلەپ، سۇچىلىق قۇرۇلۇشى خادىملىرىنىڭ يۇقۇمنىڭ ئالدىنى ئېلىش تورىنى مۇستەھكەملىدى. خىزمەت گۇرۇپپىسى 225-تۇەن، كېرىيە ناھىيەسىنىڭ لەڭگەر يېزىسى ۋە لەڭگەر بوزيار دېھقانچىلىق مەيدانى بىلەن كۆپ قېتىم ماسلاشتۇرۇپ، ئالاقىلىشىپ، ماددىي ئەشيا يەتكۈزۈش ئاپتوموبىلىنى ھەر ئۈچ كۈندە بىر قېتىم تەقسىملەپ يەتكۈزۈپ، قۇرۇلۇش خادىملىرىنىڭ ئاساسىي تۇرمۇش ماددىي ئەشياسىغا كاپالەتلىك قىلىپ، قۇرۇلۇش خادىملىرىنىڭ تۇرمۇش ئېھتىياجىنى قاندۇردى.
ئىگىلىنىشىچە، 8-ئاينىڭ 3-كۈنىگىچە، خىزمەت گۇرۇپپىسى تۆت ئاپتوموبىل ماددىي ئەشياسى، ئىككى ئاپتوموبىل تاۋۇز، 50 باك سۇيۇقلاندۇرۇلغان گاز يەتكۈزۈپ بېرىشنى ماسلاشتۇرغان، ئۈچ قېتىم دورا سېتىۋالغان، ئىككى قېتىم ئاغرىقلارنىڭ كېسىلىنى كۆرسەتكەن.
(ۋاڭ گۇيياڭ، بەي رۇڭ)
بىڭتۇەن ئۆگىنىش سۇپىسىدىن تەرجىمە قىلىندى
گۈلپىيە ئابلىز تەرجىمىسى
