تىيانشان تورى خەۋىرى (مۇخبىرلىرىمىز گو لىڭ، دوۋ شىڭجۈن، يىن تۇڭيۈەن، جانات تولقىن): 8-ئاينىڭ 10-كۈنى سائەت 17دە، ئاپتونوم رايونلۇق ھۆكۈمەت ئاخبارات ئىشخانىسى ئۈرۈمچى شەھىرىنىڭ يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمى ۋە ئالدىنى ئېلىش-تىزگىنلەش خىزمىتى توغرىسىدا 24-مەيدان ئاخبارات ئېلان قىلىش يىغىنى ئۆتكۈزدى.
ھازىر يېزا ئىگىلىك مەھسۇلاتلىرى مەركەزلىك بازارغا سېلىنىدىغان، كالا، قويلار مەركەزلىك قوتاندىن چىقىرىلىدىغان مەزگىل، ئاپتونوم رايونلۇق پارتىيە كومىتېتى يېزا خىزمىتى ئىشخانىسىنىڭ دائىمىي مۇئاۋىن مۇدىرى، ئاپتونوم رايونلۇق يېزا ئىگىلىكى-يېزا نازارىتىنىڭ مۇئاۋىن نازىرى شۈ تاۋ تونۇشتۇرۇپ مۇنداق دېدى: ئاخىرقى يەتكۈزۈش زەنجىرى مۇكەممەللەشتۈرۈلىدۇ. ئۆز مەيلىچە چازا قۇرۇپ توسۇش، يوللارنى خالىغانچە ئۈزۈپ قويۇش، قامال قىلىش قاتارلىق قاتناشنى توسۇش قىلمىشلىرى قاتتىق چەكلىنىپ، چوڭ تىپتىكى يېزا ئىگىلىك مەھسۇلاتلىرى بازىرى، كۆكتات سودا بازىرى، باقمىچىلىق بازىسى، نۇقتىلىق ئىشلەپچىقىرىش رايونى (كەنت) قاتارلىق ئاچقۇچلۇق رايونلاردىكى تاشيوللارنىڭ راۋانلىقىغا ھەقىقىي كاپالەتلىك قىلىنىدۇ.
