تىيانشان تورى خەۋىرى (مۇخبىرلىرىمىز گو لىڭ، دوۋ شىڭجۈن، يىن توڭيۈەن، جانات تولقىن): يۇقۇمنىڭ تەسىرىنى تۆۋەنلىتىش ئۈچۈن، ئۈرۈمچى شەھىرى سىياسەت چىقىرىپ، كارخانىلارنىڭ ئىشلەپچىقىرىش، تىجارەت تەننەرخىنى تۆۋەنلەتتى.
8-ئاينىڭ 8-كۈنى چۈشتىن كېيىن ئاپتونوم رايونلۇق ھۆكۈمەت ئاخبارات ئىشخانىسى ئاچقان ئاخبارات ئېلان قىلىش يىغىنىدا، ئۈرۈمچى شەھەرلىك ھۆكۈمەتنىڭ مۇئاۋىن باش كاتىپى شاڭ يۈلەن مۇنداق تونۇشتۇردى: ھەرقايسى كارخانىلارنىڭ بۇ يىلقى پۈتۈن يىللىق تۇرالغۇ ئاممىۋى فوندى تۆلەش نىسبىتى مۇۋاپىق تۆۋەنلىتىلىدۇ، ئەڭ تۆۋەن بولغاندا %5كىچە تۆۋەنلىتىلىدۇ؛ 9-ئاينىڭ 30-كۈنىدىن بۇرۇن قۇرۇلۇش ئىجازەتنامىسى بېجىرگەن تۈرلەردە، بۇ يىللىق ئەمەلىي قۇرۇلۇش مىقدارىنىڭ نىسبىتى بويىچە شەھەر ئۇل ئەسلىھەلىرىنى يۈرۈشلەشتۈرۈش ھەققى كېمەيتىپ ئېلىنىدۇ، كەچۈرۈم قىلىنىدۇ.
