ھازىر، شىنجاڭ ئىشلەپچىقىرىش-قۇرۇلۇش بىڭتۇەنى 6-شى 102-تۇەننىڭ ئىشچى-خىزمەتچىلىرى تېرىغان قوغۇن ئاللىبۇرۇن پىشىپ سېتىش مەزگىلىگە كىردى. ئىشچى-خىزمەتچىلەرنىڭ ئەمگەك كۈچى كەمچىل بولۇش مەسىلىسىنى ھەل قىلىشىغا ياردەم بېرىش ئۈچۈن، بۇ تۇەن 2-ليەن پارتىيە ياچېيكىسى 40 نەچچە پارتىيە ئەزاسى، ئىشچى-خىزمەتچىنى تەشكىللەپ، يۇقۇمنىڭ ئالدىنى ئېلىش-تىزگىنلەش تەدبىرلىرىنى قاتتىق ئەمەلىيلەشتۈرۈش ئاساسىدا، تەرتىپلىك ئۈزۈپ، خالتىغا ئوراپ، يېشىككە قاچىلىدى. 2-ليەننىڭ ئىشچىسى ياڭ ئېرخۇ ئائىلىسىنىڭ 100 توننىدىن ئارتۇق قوغۇنى ئىچكىرى جايلاردىكى شەھەرلەرگە توشۇلۇپ سېتىلدى، ئۇ خۇشال ھالدا مۇنداق دېدى: «ليەندۈي پارتىيە ياچېيكىسى ئالدىغا ئۆتۈپ مۇلازىمەت قىلىپ، پارتىيە ئەزالىرى، ئىشچى-خىزمەتچىلەر ياردەم قولىنى سۇنۇپ، مېنىڭ غېمىمنى ھەل قىلىپ بەردى».
ھەر يىلقى 7-، 8-ئاي 6-شىنىڭ ھەرقايسى تۇەن-مەيدانلىرىدا قوغۇن پىشىدىغان پەسىل، بۇ يىل 6-شىنىڭ ھەرقايسى تۇەن-مەيدانلىرىدىكى ئىشچى-خىزمەتچىلەر تېرىغان قوغۇننىڭ ئۆسۈشى ياخشى، مول ھوسۇل ئېلىشىدىن ئۈمىد بار. نۆۋەتتىكى يۇقۇمنىڭ ئالدىنى ئېلىش-تىزگىنلەش ۋەزىيىتىگە قارىتا، ھەرقايسى تۇەن-مەيدانلار، ليەندۈي «ئىككى كومىتېت»ىلىرى پائال تەدبىر كۆرسىتىپ، چارە تېپىپ، يۇقۇمنىڭ ئالدىنى ئېلىش-تىزگىنلەش تەدبىرلىرىنى قاتتىق ئەمەلىيلەشتۈرۈش بىلەن بىللە، كۆپ خىل تەدبىر قوللىنىپ سېتىش يوللىرىنى راۋانلاشتۇرۇپ، قوغۇننىڭ ئوڭۇشلۇق سېتىلىشىغا تۈرتكە بولدى.
فاڭساۋخۇ دېھقانچىلىق مەيدانى 13-ليەنى بۇ يىل 605 مو يەرگە قوغۇن تېرىدى، ھازىر قوغۇن پىشتى، قوغۇن ئۈزۈدىغان، خالتىغا ئورايدىغان، ماشىنىغا قاچىلاپ سىرتقا توشۇيدىغان ئەمگەك كۈچىگە جىددىي ئېھتىياجلىق. 13-ليەن پارتىيە ياچېيكىسى ليەندۈيدىكى ئىشچى-خىزمەتچىلەرنى ئۆزئارا ياردەم بېرىپ ئۈزۈشكە پائال تەشكىللىدى ھەمدە سېتىش يوللىرى بىلەن ئالاقىلىشىپ، قوغۇننى ئىچكىرى جايلارغا ئوڭۇشلۇق ساتتى.
105-تۇەن يۇقۇمنىڭ ئالدىنى ئېلىش-تىزگىنلەش ئەمەلىي ئەھۋالىغا قارىتا، توردا سېتىش چارىسىنى قوللىنىپ، سىرتقا يېزا ئىگىلىك مەھسۇلاتلىرىنى توشۇيدىغانلارنى ئەنگە ئالدۇرۇش تۈزۈمى ۋە يۇقۇمنىڭ ئالدىنى ئېلىش-تىزگىنلەش تەدبىرلىرىنى قاتتىق ئىجرا قىلىپ، قوغۇننىڭ ئوڭۇشلۇق سېتىلىشىغا كاپالەتلىك قىلدى. بۇ تۇەن 4-ليەننىڭ ئىشچىسى جياڭ جۇڭلياڭ بۇ يىل تېرىغان 50 مو يەردىكى قوغۇن تۇەننىڭ ماسلاشتۇرۇشى ۋە ياردىمى بىلەن ھەممىسى سېتىلىپ، 50 مىڭ يۈەن كىرىم قىلدى. بۇ يىل، 105-تۇەن 21 مىڭ مو يەرگە قوغۇن تېرىدى، ھازىر 4000 مو يەردىكى بالدۇر پىشقان قوغۇن سېتىلىپ بولدى، ئىشچى-خىزمەتچىلەر ھەر مو يەردىن 1000 يۈەندىن ئارتۇق پايدا ئالدى.
(بىڭتۇەن گېزىتىنىڭ دائىمىي تۇرۇشلۇق مۇخبىرى لى جيەنخۇا)
شىنجاڭ بىڭتۇەن ئۆگىنىش سۇپىسىدىن تەرجىمە قىلىندى
گۈلپىيە ئابلىز تەرجىمىسى
