تاماملىنىش خىزمىتى ئېلىپ بېرىلىۋاتقان تۇزكۆل مۇلازىمەت رايونى.
G30 شياۋساۋخۇدىن ئۈرۈمچىگىچە بولغان يول بۆلىكىنى كېڭەيتىش قۇرۇلۇشى پۈتۈن لىنىيە بويىچە تۇتاشتۇرۇلدى.
تىيانشان تورى خەۋىرى (مۇخبىرىمىز گو لىڭ، ئىختىيارىي مۇخبىرلار يۈەن يۆ، شى شياۋۋېي، لى ياڭ خەۋىرى، فوتوسى): G30 شياۋساۋخۇدىن ئۈرۈمچىگىچە بولغان يول بۆلىكىنى كېڭەيتىش قۇرۇلۇشى پۈتۈن لىنىيە بويىچە تۇتاشتۇرۇلدى. نۆۋەتتە، مەركۇز تۈر قوماندانلىق ئىشتابى يۇقۇمنىڭ ئالدىنى ئېلىش-تىزگىنلەشتىكى تۈرلۈك خىزمەتلەرنى ياخشى ئەمەلىيلەشتۈرۈش ئالدىنقى شەرتى ئاستىدا، تۇزكۆل مۇلازىمەت رايونى، شياۋساۋخۇ مۇلازىمەت رايونىنى بېزەش قۇرۇلۇشىنىڭ %90ىنى تاماملاپ بولدى.
8-ئاينىڭ 5-كۈنى، مۇخبىرنىڭ G30 شياۋساۋخۇدىن ئۈرۈمچىگىچە بولغان يول بۆلىكىنى كېڭەيتىش قۇرۇلۇش تۈرى قوماندانلىق ئىشتابىدىن ئىگىلىشىچە، مەزكۇر تۈردە بۇ يىل 6-ئاينىڭ 25-كۈنى پۈتۈن لىنىيە بويىچە تۇتاشتۇرۇلغان، نۆۋەتتە، تۈر قوماندانلىق ئىشتابى يۇقۇمنىڭ ئالدىنى ئېلىش-تىزگىنلەشتىكى تۈرلۈك خىزمەتلەرنى قەتئىي ياخشى ئەمەلىيلەشتۈرۈش ئالدىنقى شەرتى ئاستىدا، ئېشىپ قالغان ماتېرىياللاردىن پايدىلىنىپ يېپىق قۇرۇلۇش قىلىپ، ئاكتىپلىق بىلەن ئىچكىرى رايونلاردىكى زاۋۇتلاردىن تۈرلۈك قۇرۇلۇش ماتېرىياللىرىنى زاكاز قىلىپ، مەخسۇس ئاپتوموبىلدا توشۇپ، ئۇدۇل قۇرۇلۇش مەيدانىغا ئەكەلگەن. نۆۋەتتە ئالاقىدار قۇرۇلۇش ماتېرىياللىرى تېخى يولدا كېلىۋاتقان بولۇپ، تۇزكۆل مۇلازىمەت رايونى، شياۋساۋخۇ مۇلازىمەت رايونىدا جىددىي قۇرۇلۇش قىلىنىۋېتىپتۇ.
