ئۈرۈمچى كەچلىك گېزىتى خەۋىرى(مۇخبىر جياڭ شياۋ، چېن يەن خەۋىرى، فوتوسى): يۇقۇمنىڭ ئالدىنى ئېلىش-تىزگىنلەش مەزگىلىدە، ھەرقايسى رايون، ناھىيەلەر مەھەللىلەردە ئالدىنى ئېلىش-تىزگىنلەش تەدبىرلىرىنى قاتتىق ئەمەلىيلەشتۈرۈپ، ماسكا تاقاش، مۇھىتنى دېزىنفېكسىيەلەش، بەدەن تېمپېراتۇرىسىنى كۆزىتىپ ئۆلچەش تەلىپىنى قەتئىي ئەمەلىيلەشتۈرۈپ، مەھەللە ئالدىنى ئېلىش-تىزگىنلەشتىكى بىرىنچى مۇداپىئە سېپىنى مۇستەھكەملىدى. ھەرقايسى مەھەللە خىزمەتچىلىرى، تەۋەلىك رايوندىكى پىدائىيلار، ئولتۇراق رايون مۈلۈك شىركىتى يۇقۇمنىڭ ئالدىنى ئېلىش-تىزگىنلەش خىزمىتىنى ياخشى ئىشلەش بىلەن بىللە، يەنە كۆكتات، دورا يەتكۈزۈش، تۇرمۇش بۇيۇملىرىنى ۋاكالىتەن سېتىۋېلىش قاتارلىق مۇلازىمەتلەرنىمۇ ئومۇميۈزلۈك قانات يايدۇردى.
7-ئاينىڭ 25-كۈنى سائەت 23:17دە، چۈنخې يىيۈەن 1-قارارلىق ئولتۇراق رايوندا، ئۈرۈمچى شەھەرلىك تاشقى ئىشلار ئىشخانىسىنىڭ چۈنشياڭ مەھەللىسىدە تۇرۇشلۇق خىزمەت ئەترىتى سېتىۋالغان كۆكتات ۋە تۇرمۇش بۇيۇملىرىنى ئاھالىلەرنىڭ ئۆيىگە ئاپىرىپ بېرىشكە تەييارلىق قىلماقتا.
7-ئاينىڭ 26-كۈنى، خۇايۈەن. گوشيۇ جيايۈەن ئولتۇراق رايونىدا، يۇقىرى، يېڭى تېخنىكىلىق كەسىپلەر تەرەققىيات رايونى(يېڭى شەھەر رايونى) چاڭچۈن شىمالىي يولى مەھەللىسىنىڭ خىزمەتچىسى لى لەنلەن(ئوڭدا) دورىخانىدا ئاھالىلەرگە دورا سېتىۋالماقتا.
7-ئاينىڭ 26-كۈنى، ئىقتىساد-تېخنىكا تەرەققىيات رايونى(تۇدۇڭخابا رايونى)دىكى لۈگۇ مەھەللىسىنىڭ پىسخىكىلىق مەسلىھەت بېرىش ئۆيىدە، مەھەللە پىسخىكا يېتەكچىسى تيەن شۈ يان تېلېفوندا بىۋاسىتە كۆرسىتىش ئۇسۇلى ئارقىلىق مەھەللە ئاھالىسىگە پىسخىكا جەھەتتىن يېتەكچىلىك قىلماقتا.
7-ئاينىڭ 27-كۈنى، باغچە شىمالىي كوچىسى 19-نومۇرلۇق قورۇدا، سايباغ رايونى شىنخۇا مەھەللىسىنىڭ پىدائىيى ۋاڭ خەيلۇڭ ئاھالىلەر ئۈچۈن ۋاكالىتەن مىنېرال سۇ سېتىۋالدى.
