ئۈرۈمچى شەھەرلىك مېتېئورولوگىيە ئىستانسىسى قارا يامغۇردىن قىزىل رەڭلىك ئاگاھلاندۇرۇش سىگنالى تارقاتتى

    تىيانشان تورى خەۋىرى: ئۈرۈمچى شەھەرلىك مېتېئورولوگىيە ئىستانسىسى 2020-يىلى 7-ئاينىڭ 22-كۈنى سائەت 16:36دە قارا يامغۇردىن قىزىل رەڭلىك ئاگاھلاندۇرۇش سىگنالى تارقاتتى: ئۆتكەن بىر سائەتتە، ئۈرۈمچى شەھىرىنىڭ ئۈرۈمچى ناھىيەسى شىبەيياڭگوۋ كەنتىدە ھۆل-يېغىن مىقدارى 36.2 مىللىمېتىرغا يەتكەن، مۆلچەرلىنىشىچە، كەلگۈسى ئۈچ سائەتتە كۈچلۈك ھۆل-يېغىن يەنە داۋاملىشىپ، ئومۇمىي يامغۇر مىقدارى 48 مىللىمېتىردىن ئاشىدىكەن، بۇ رايونلاردا ئوتتۇرا، كىچىك دەريا ئېقىنى كەلكۈنى، تاغ كەلكۈنى، شۇنداقلا لاتقا-شېغىللىق ئېقىن، تاغ گەۋدىسى سىيرىلىپ چۈشۈش قاتارلىق گېئولوگىيەلىك ئاپەتلەر يۈز بېرىدىغان ھاۋارايى خەۋپ-خەتىرىنىڭ دەرىجىسى يۇقىرى بولىدىكەن، ئالدىنى ئېلىشنى كۈچەيتىش زۆرۈر.