تىيانشان تورى خەۋىرى (مۇخبىرلىرىمىز ليۇ مېڭمېڭ، دوۋ شىڭجۈن، جانات تولقىن خەۋىرى، فوتوسى) :7-ئاينىڭ 21-كۈنى چۈشتىن كېيىن سائەت 5تە، ئاپتونوم رايونلۇق ھۆكۈمەت ئاخبارات ئىشخانىسى ئاخبارات ئېلان قىلىش يىغىنى ئېچىپ، نۆۋەتتىكى ئۈرۈمچى شەھىرىنىڭ يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇم ئەھۋالى ۋە ئالدىنى ئېلىش-تىزگىنلەش خىزمىتى ئەھۋالىنى ئومۇمىي ئۇقتۇرۇش قىلدى ھەمدە مۇخبىرلارنىڭ سوئالىغا جاۋاب بەردى.
ئۈرۈمچى شەھەرلىك خەلق ھۆكۈمىتى بەنگۇڭتىڭىنىڭ مۇئاۋىن مۇدىرى لى تيەنگاڭ تونۇشتۇرۇپ مۇنداق دېدى: سۇ بىلەن تەمىنلەشكە كاپالەتلىك قىلىش جەھەتتە، سۇ مەنبەسى، ھەرقايسى سۇ زاۋۇتلىرىنى يېپىق ھالەتتە باشقۇرۇشنى يولغا قويۇپ، زاۋۇتتىن چىققان سۇ ۋە تۇرۇبا تور سۈيىنى تەكشۈرۈش قېتىم سانىنى زورايتىش، بولۇپمۇ، دوختۇرخانا، كېسەلنىڭ ئالدىنى ئېلىش-تىزگىنلەش مەركىزى، تەكشۈرۈش ئاپپاراتى قاتارلىق نۇقتىلىق رايونلاردىكى سۇ بىلەن تەمىنلەش ئەسلىھەلىرىنىڭ سۇ سۈپىتى، سۇ بېسىمىنى تەكشۈرۈش سالمىقىنى زورايتىپ، بۇنىڭدىن ئىلگىرىكى ئالتە سائەتتە بىر قېتىم تەكشۈرۈشنى تۆت سائەتتە بىر قېتىم تەكشۈرۈشكە قىسقارتىپ، نۇقتىلىق رايونلاردىكى سۇ بېسىمىنىڭ يېتەرلىك، سۇ مىقدارىنىڭ يېتەرلىك، سۇ سۈپىتىنىڭ ئەلا بولۇشىغا ھەقىقىي كاپالەتلىك قىلىندى.
