تىيانشان تورى خەۋىرى: شىنجاڭ ئۇيغۇر ئاپتونوم رايونلۇق سەھىيە-ساغلاملىق كومىتېتىنىڭ ئەڭ يېڭى ئومۇمىي ئۇقتۇرۇشى، 7-ئاينىڭ 20-كۈنى سائەت 0دىن 7-ئاينىڭ 20-كۈنى سائەت 24كىچە، شىنجاڭ ئۇيغۇر ئاپتونوم رايونى(شىنجاڭ ئىشلەپچىقىرىش-قۇرۇلۇش بىڭتۇەنىنى ئۆز ئىچىگە ئالىدۇ) يېڭىدىن كۆپەيگەن يېڭى تىپتىكى تاجسىمان ۋىرۇسلۇق ئۆپكە ياللۇغى دەپ ئېنىق دىياگنوز قويۇلغان ئاغرىق مىسالىدىن سەككىزنى دوكلات قىلدى، بۇنىڭ ئىچىدە يەتتىسى ئۈرۈمچى شەھىرىدە، بىرى بىڭتۇەندە؛ يېڭىدىن كۆپەيگەن كېسەللىك ئالامىتى كۆرۈلمىگەن يۇقۇملانغۇچى بەش بولۇپ، ھەممىسى ئۈرۈمچى شەھىرىدە.
7-ئاينىڭ 20-كۈنى سائەت 24كىچە، شىنجاڭ(بىڭتۇەننى ئۆز ئىچىگە ئالىدۇ)دا ئېنىق دىياگنوز قويۇلغان ئاغرىق مىسالىدىن 55ى (بۇنىڭ ئىچىدە ئېغىر ئاغرىق مىسالى تۆت) بار بولۇپ، ئۈرۈمچى شەھىرىدە 53، قەشقەر ۋىلايىتىدە بىر(ئۈرۈمچى شەھىرىدىن كىرگەن ئاغرىق مىسالى)، بىڭتۇەندە بىر؛ ھازىر كېسەللىك ئالامىتى كۆرۈلمىگەن يۇقۇملانغۇچىدىن 55ى بار بولۇپ، ھەممىسى ئۈرۈمچى شەھىرىدە؛ 3119 ئادەم تېببىي كۆزىتىشنى قوبۇل قىلىۋاتىدۇ.
