جۇڭگو ئاخبارات تورى خەۋىرى: دۆلەت سەھىيە-ساغلاملىق كومىتېتى مۇتەخەسسىسلەر گۇرۇپپىسىنىڭ مۇتەخەسسىسى، جۇڭگو كېسەلنىڭ ئالدىنى ئېلىش-تىزگىنلەش مەركىزى جىددىي ئىشلارغا تاقابىل تۇرۇش مەركىزىنىڭ مۇئاۋىن مۇدىرى شى گوچىڭ 7-ئاينىڭ 17-كۈنى ئاخبارات ئېلان قىلىش يىغىنىدا مۇنۇلارنى بىلدۈردى: يېڭى تىپتىكى تاجسىمان ۋىرۇس باشقا ۋىرۇسلارغا ئوخشاش پەقەت ئادەم ۋە ئۇنىڭ پارازىت ئىگىسى ياكى ئارىلىق پارازىت ئىگىسىنىڭ تىرىك ھۈجەيرىسىدە كۆپىيىدۇ، تاشقى مۇھىتتا ئۆز-ئۆزىنى كۆپەيتەلمەيدۇ، كۆپەيمەيدۇ. شۇڭا بۇلغانغان مۇھىت ۋە بۇيۇملاردىكى ۋىرۇسلار سان جەھەتتىن كۆپەيمەيدۇ، ۋىرۇس ئۆلسە ياكى دېزىنفېكسىيە قىلغۇچى تەرىپىدىن يوقىتىلسا، ئادەمگە يۇقىدىغان ۋىرۇسلار مەۋجۇت بولمايدۇ.
يۇقۇمغا چېتىلىدىغان ئاممىۋى سورۇنلاردا، جۈملىدىن ۋىرۇس ۋە يۇقۇملانغۇچىلار خىزمەت قىلغان ياكى بارغان سورۇنلاردا، ئاغرىق بىلەن يۇقۇملانغۇچىلار پۈتۈنلەي ئايرىۋېتىلىدۇ، بۇلغانغان مۇھىت ۋە بۇيۇملار تازىلىنىدۇ ۋە ئۈزۈل-كېسىل دېزىنفېكسىيە قىلىنىدۇ، شۇنىڭ بىلەن بىر ۋاقىتتا، دېزىنفېكسىيە قىلىش ئۈنۈمىنى باھالاش لاياقەتلىك بولغان بولسا، بۇ ئاممىۋى سورۇننىڭ مۇھىتى بىخەتەر بولغان بولىدۇ. ئالاقىدار خىزمەتچى خادىملار ئايرىپ تېببىي كۆزىتىش ۋە نوكلېئىك كىسلاتاسىنى تەكشۈرۈش ئارقىلىقمۇ، يۇقۇملانغانلىقى بايقالمىسا، ئۇنداقتا بۇ ئاممىۋى سورۇننى قايتىدىن ئېچىۋەتسە بولىدۇ، ئېچىۋېتىش ئەسلىگە كەلتۈرۈلگەندىن كېيىن، باشقا ئوخشاش ئاممىۋى سورۇنلارغا ئوخشاش كۈندىلىك ئالدىنى ئېلىش-تىزگىنلەش خىزمىتىنى ياخشى ئىشلىشى كېرەك. ئامما بۇ سورۇنلارغا خاتىرجەم ھالدا بارسا بولىدۇ.
